30.04.2026 | 12:34
NYMEX. Թանկարժեք մետաղների գները նվազել են
ԱՄՆ-ն աջակցում է բողոքի խաղաղ ցույցեր անցկացնող Իրանի ժողովրդին
Քաղաքականություն
18.11.2019 | 12:15
ԱՄՆ-ն աջակցում է բողոքի խաղաղ ցույցեր անցկացնող Իրանի ժողովրդին և դատապարտում է ցուցարարների նկատմամբ ուժի կիրառումը: Այս մասին կիրակի՝ նոյեմբերի 17-ին, հայտարարել է Սպիտակ տան մամուլի քարտուղար Ստեֆանի Գրիշեմը, գրում է ria.ru-ն:
Իրանում բողոքի ցույցերն ընթանում են ընդդեմ բենզինի գնի թանկացման: Հաղորդվել է, որ ուրբաթ օրը ակցիայի շրջանակում մեկ մարդ է մահացել:
«ԱՄՆ-ն իր աջակցությունն է հայտնում Իրանի ժողովրդին՝ ռեժիմի դեմ իրենց խաղաղ բողոքի ակցիաներում: Մենք դատապարտում ենք մահվան ելքով ուժի կիրառումը և կապի սահմանափակումը, որն օգտագործվում է ցուցարարների դեմ»,- ասված է Սպիտակ տան հաղորդագրության մեջ:
Ավելի վաղ Իրանի արտգործնախարարության ներկայացուցիչ Աբբաս Մուսավին նշել է, որ ԱՄՆ-ի հայտարարությունը համարում է երկրի ներքին գործերին միջամտելու փորձ:
Մինչ այդ էլ ԱՄՆ պետքարտուղարության ներկայացուցիչ Մորգան Օրտագուսը հայտարարել էր, որ Վաշինգտոնը դատապարտում է Թեհրանում ցույցերի պատճառով համացանցի անջատումը և աջակցություն է հայտնել Իրանի «բազմաչարչար ժողովրդին»:
