03.10.2026 | 22:08
Հայաստանի հավաքականը ժամանել է Պոդգորիցա
«Սև հաշվապահության» կշիռն իջե՞լ է, թե՝ ոչ․ Միքայել Մելքումյանը՝ Լիլիթ Ալեքսանյանին. ՏԵՍԱՆՅՈՒԹ
Տնտեսություն
18.11.2019 | 11:53
ԱԺ-ն քննարկում է Կոռուպցիայի կանխարգելման հանձնաժողովի անդամների ընտրության հարցը։
«Բարգավաճ Հայաստան» խմբակցության պատգամավոր Միքայել Մելքումյանը նշեց՝ գաղտնիք չէր, որ տևական ժամանակ մեր Հանրապետությունում ընկերությունները և ձեռնարկություններն ունեն սև և սպիտակ հաշվապահություն։
«Ըստ Ձեզ՝ «սև հաշվապահության» կշիռն իջե՞լ է, թե՝ ոչ։ Եվ երկրորդ՝ բավականին օտարերկրյա կապիտալներ դուրս են բերվում երկրից, որևէ դիտարկում ունե՞ք այս առումով»,- հետաքրքրվեց Միքայել Մելքումյանը։
Կոռուպցիայի կանխարգելման հանձնաժողովի անդամի՝ կառավարության առաջարկած թեկնածուն՝ Լիլիթ Ալեքսանյանը, նշեց, որ կապիտալի արտահոսքը ֆինանսական հաստատությունների միջոցով է կատարվում։
«Գուցեև ֆինանսական հաստատությունները չունեն այդ վերահսկողական մեխանիզմները, որպեսզի նախ բացահայտեն այդ արտահոսքը և կարողանան ինչ-որ ձև կանխել, որովհետև նման գործառույթ դրված չէ նրանց վրա։ Ստվերային տնտեսության վերաբերյալ իմ անձնական դիտարկումը կլինի այն, որ այո, մենք այստեղ որոշակի փոփոխություն ունեցել ենք»,- նկատեց Լիլիթ Ալեքսանյանը։
Մանրամասները՝ տեսանյութում։
