18.10.2026 | 15:52
Ծանրորդ Էմմա Պողոսյանը` Եվրոպայի երիտասարդների առաջնության ոսկե մեդալակիր
Վարչապետի գլխավորությամբ տեղի է ունեցել Անվտանգության խորհրդի նիստ, մասնակցել է նաև Արարատ Միրզոյանը
Քաղաքականություն
16.11.2019 | 14:00
Հայաստանի Հանրապետության վարչապետի աշխատակազմից տեղեկացնում են, որ վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի արտահերթ նիստ:
«Այսօրվա Անվտանգության խորհրդի մեր նիստն, ըստ էության արտահերթ է, բայց դա կախված է այն հանգամանքի հետ, որ նախորդ նիստերի օրակարգը ծանրաբեռնված է եղել, և մենք օրակարգի որոշ հարցեր տեղափոխել ենք այսօրվա քննարկմանը»,- նշել է վարչապետ Փաշինյանը:
ԱԽ նիստի օրակարգում եղել են անվտանգային ոլորտին վերաբերող մի շարք հարցեր:
Հիշեցնենք, որ ԱԺ «Իմ քայլը» խմբակցությունը օրենքի նախագիծ էր ներկայացրել խորհրդարան, ըստ որի Ազգային ժողովի նախագահին պետք է հնարավորություն ընձեռվեր մասնակցելու Անվտանգության խորհրդի նիստերին: Նախագիծը, սակայն, տապալվեց:
ԱԺ նախագահ Արարատ Միրզոյանը, լրագրողների հետ զրույցում նշել էր, որ նախագծի չընդունումն անակնկալ էր իր համար:
Նշենք նաև, որ ՀՀ վարչապետը լիազորված է ԱԽ նիստի հրավիրել ցանկացած պաշտոնյայի, և Արարատ Միրզոյանի՝ ԱԽ նիստի այսօրվա մասնակցությունը, թերևս դրանով է պայմանավորված:
