11.12.2024 | 21:29
Օրբանը զանգահարել է Պուտինին․ քննարկվել է ուկրաինական հակամարտությունն ու իրավիճակը Սիրիայում
Վենետիկում ջրհեղեղի հասցրած վնասը 1 մլրդ եվրո է գնահատվել. քաղաքում այսօր նորից հեղեղումներ են
Քաղաքականություն
15.11.2019 | 18:32
Վենետիկում այսօր կրկին հեղեղումներ են գրանցվել: Ջրի բարձրությունը հասել է ծովի մակարդակից 153 սմ-ի, մինչդեռ քաղաքի համար նորմալ է համարվում 80 սմ-ը: Այս մասին գրում է «Ռեգնում»-ը:
Քաղաքային իշխանությունները, սակայն, զգուշացրել են առաջիկայում եղանակային պայմանների վատթարացման մասին:
Նոյեմբերի 12-ի ջրհեղեղի ժամանակ, հիշեցնենք, ջրի բարձրությունը հասել էր 187 սմ-ի, ինչը ռեկորդային ցուցանիշ է վերջին կես դարի ընթացքում: Վենետիկի գրեթե ամբողջ տարածքը հեղեղվել է: Նոյեմբերի 14-ին ջրի մակարդակը իջել է՝ հասնելով նորմայի, սակայն նոր հեղեղումները սկսվել են՝ մինչև նախորդի հետևանքների վերացումը:
Վենետիկում ջրհեղեղի հասցրած վնասը 1 մլրդ եվրո է գնահատվում: Այս մասին հայտնել է քաղաքապետ Լուիջի Բրունյարոն:
«Մենք կործանեցինք Վենետիկը: Խոսքը միլիարդի վնասի մասին է, և մենք խոսում ենք երկու օր առաջ տեղի ունեցածի, ոչ թե այսօրվա մասին»,- մարզի ղեկավար Վենետո Լուկա Ձայայի հետ Սուրբ Մարկոսի հրապարակ այցի ժամանակ ասել է քաղաքապետը:
Ձայան, իր հերթին, Վենետիկում տիրող իրավիճակը «լիարժեք կործանում» է որակել: «Սուրբ Մարկոսի տաճարի ներսում ջուրը, հավանաբար, մեկ մետրի է հասնում: Տներում և խանութներում ջուր է: Կործանումը լիարժեք է, քանի որ ջուրը նախ գալիս և վնաս է հասցնում, իսկ հետո, երբ այն քաշվում է, աղ է թողնում, որն էլ քանդում է պատերը, արվեստի գործերը, խճանկարներն ու էլեկտրական համակարգերը»,- ասել է Վենետո Լուկա Ձայան:
Վենետիկի քաղաքապետը բնակիչներին և զբոսաշրջիկներին կոչ է արել խուսափել փողոց դուրս գալուց: Քաղաքի ջրային տրանսպորտի երթուղիները գործում են միայն առանձին կղզիների ուղղությամբ և այն դեպքում, եթե նավահանգիստ-կանգառները հեղեղված չեն:
Իտալիայի նախարարների խորհուրդը հատուկ նիստի ժամանակ 20 մլն եվրո է հատկացրել ջրհեղեղի հետևանքները վերցնելու համար:
