05.06.2026 | 16:09
Ժամը 16։00-ից կսահմանափակվի Հանրապետության հրապարակ մտնող փողոցների երթևեկությունը
70 հազար աշխատատեղը եղե՞լ է, թե՞ նոր է ստեղծվել. Միքայել Մելքումյան. ՏԵՍԱՆՅՈՒԹ
Տնտեսություն
15.11.2019 | 17:18
Տնտեսական հեղափոխությունը մեր պատմական հայրենքի կամ եվրոբոնդերի նման մի բան չէ, որ հեռու գցենք։ Այսօր ԱԺ-ում 2020 թվականի բյուջեի նախագծի քննարկման ժամանակ նման հայտարարություն արեց ԱԺ ԲՀԿ խմբակցության պատգամավոր Միքայել Մելքումյանը։
Նա, դիմելով կառավարությանը, հայտարարեց, եթե հռչակել եք տնտեսական հեղափոխություն, ապա բարի եղեք կատարեք։
«Քայլերով ասեք, որ 1.5 տարի հետո մենք հասնելու ենք այսինչին, 2.5 տարի հետո հասնելու ենք այսինչ նպատակին։ Այն թվերը, որոնք գրված են, թույլ են տալիս ասելու, որ դրանք ստարտային բավարար պայմաններ չեն, որ հասնենք այդ նպատակին»,- ասաց նա։
Մելքումյանը չհերքեց՝ կառավարությունն աշխատում է, շուկաներն ազատականցված են, կան գործիչներ, որոնք լավ ցանկություն ունեն և այլն, սակայն սա բավարար չէ։
«Բայց դուրս եկեք ու մարդկանց հարցրեք՝ ձեր ապրելակերպում բան փոխվե՞լ է, թե՝ ոչ։ Բացառում եմ, որ մեկն ասի, որ մեր ապրելակերպում բան է փոխվել։ 70 հազար աշխատատեղը եղե՞լ է, թե՞ նոր է ստեղծվել է։ Միգուցե Էկոնոմիկայի նախարարությունն ասի, թե որ մասն է ստվերից դուրս եկել, որ մասն է նոր ստեղծվել, ախր, այս հարցերի պատասխանը չունենք չէ՞»,- ընդգծեց Միքայել Մելքումյանը։
Մանրամասները՝ տեսանյութում:
