15.01.2025 | 20:00
Կիսիլյովի՝ Ալիևի գովքը վերջին կաթիլն էր․ դադարեցնե՛լ ռուսական ալիքների հեռարձակումը․ Լևոն Բարսեղյան. ՏԵՍԱՆՅՈՒԹ
Սիրիան ԱՄՆ-ից փոխհատուցում կպահանջի երկրի նավթը հափշտակելու համար
Քաղաքականություն
15.11.2019 | 16:26
Դամասկոսը ՄԱԿ-ում սիրիական նավթի հափշտակման հարց կբարձրացնի և ԱՄՆ-ից փոխհատուցում կպահանջիի: ՌԻԱ Նովոստիին և «Ռոսիա 24»-ին տված հարցազրույցում այս մասին հայտարարել է Սիրիայի նախագահ Բաշար Ասադը:
Նա, միաժամանակ, ՄԱԿ-ը բնորոշել է որպես «կիսապետություն, որը կառավարում են ուժի սկզբունքով առաջնորդվող բանդիտական խմբավորումներ»:
«Ես, դուք և շատերն աշխարհում գիտեն, որ ՄԱԿ գոյություն չունի, քանի որ գոյություն չունի միջազգային իրավունք: …Մենք ապրում ենք մի աշխարհում, որը նման է անտառի: Այն հիմա մոտ է մինչև Երկրորդ աշխարհամարտը գոյություն ունեցող աշխարհին: Այդ պատճառով մենք բողոքներ կուղարկենք, բայց դրանք կմնան դարակների վրա»,- ասել է Սիրիայի նախագահը:
Նշենք, որ սիրիական նավթի արդյունաբերության շուրջ 90%-ը գտնվում է Եփրատ գետի արևելյան ափին, որն ավելի վաղ ԻՊ-ի ահաբեկիչների հենակետն ու եկամուտի հիմնական աղբյուրն էր, իսկ հիմա գտնվում է ԱՄՆ-ի դաշնակից քրդերի «Սիրիական դեմոկրատական ուժերի» (SDF) վերահսկողության ներքո:
Պենտագոնի ներկայացուցիչ Ռեթ Հոֆմանը վստահեցրել է, որ սիրիական նավթից եկամուտը ստանում է SDF-ը, իսկ գերատեսչության ղեկավար Մարկ Էսպերը հայտարարել է, որ ԱՄՆ-ն կպաշտպանի հանքերը և ուժով կպատասխանի դրանց գրավելու փորձերին:
Պաշտոնական Դամասկոսը չի ճանաչում Սիրիայի հյուսիս-արևելքի ինքնավար վարչակազմը, իսկ ԱՄՆ-ի գործողությունները հափշտակություն է որակում:
