05.06.2026 | 15:54
Ազովի ծովում ԱԹՍ-ների հարձակման հետևանքով 5 ադրբեջանցի նավաստիներ են զոհվել, ևս 3 վիրավոր կա. ՏԵՍԱՆՅՈՒԹ
Իսրայելը նորից հարվածներ է հասցրել Գազայի հատվածի ուղղությամբ
Քաղաքականություն
15.11.2019 | 13:48
Իսրայելի Պաշտպանության բանակը մի քանի հարված է հասցրել Գազայի հատվածում «Իսլամական ջիհադ» պաղեստինյան խմբավորման օբյեկտների ուղղությամբ: Սա հետևել է իսրայելական տարածքի հրթիռակոծությանը, գրում է «Կոմերսանտ»-ը:
Իսրայելական ռազմաօդային ուժերի թիրախում հիմնականում եղել է ռազմական մի օբյեկտ, որտեղ նաև հրթիռների մասերի արտադրամաս է եղել: Հարված է հասցվել նաև Խան Յունիս քաղաքում «Իսլամական ջիհադ»-ի հրամանատարական կետին: Զոհերի և վիրավորների մասին տեղեկություններ առայժմ չկան:
Հիշեցնենք, որ Գազայի հատվածի սահմաններին հակամարտությունը սրվել է օրերս, երբ Իսրայելը ոչնչացրեց «Իսլամական ջիհադ»-ի հրամանատարներից Բախի Աբու ալ-Աթային:
Գազայի իշխանությունները հաղորդել են ավելի քան 30 պաղեստինցու զոհվելու մասին, Իսրայելում զոհերի մասին տեղեկություն չկա: Նոյեմբերի 14-ին AFP-ն հաղորդել էր հակամարտող կողմերի միջև հրադադարի մասին համաձայնության ձեռքբերման մասին, սակայն ուրբաթ գիշերը Իսրայելի Պաշտպանության բանակը կրկին երկրի հարավում Գազայի հատվածից արձակված հրթիռներ է որսացել:
