03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Նոյեմբերին լրանում է 11 ամիսը, ինչ նախագահ Քոչարյանը կալանքի տակ է՝ քաղբանտարկյալի կարգավիճակում․ Վիկտոր Սողոմոնյան
Քաղաքականություն
15.11.2019 | 13:11
«Արդեն մեկուկես տարի է, ինչ նախագահ Քոչարյանի դեմ իրականացվում է կոպիտ քաղաքական հետապնդում։ Նոյեմբերին կլրանա տասնմեկ ամիսը, ինչ նախագահ Քոչարյանը գտնվում է կալանքի տակ՝ քաղբանտարկյալի կարգավիճակում»,- «Վերնատուն» հասարակական-քաղաքական ակումբի համաժողովում հայտարարեց Քոչարյանի գրասենյակի ղեկավար Վիկտոր Սողոմոնյանը։
Նա արձանագրեց, որ այս ընթացքում երեք «առասպել» ջարդուփշուր է եղել․ «Ռոբերտ Քոչարյանը ոչ մի կապ չունի մարդասպանության հետ։ Այսօրվա վարչապետը ուժ ու եռանդ չէր խնայում հայտարարելու, թե Մարտի 1-ը բացահայտված է։ Նա իր ներկայացուցչի միջոցով հայտարարեց, որ ասելով, թե արյուն է հեղվել, նկատի չունի Ռոբերտ Քոչարյանին։ Կարող ենք վստահ ասել, որ 2008 թվականի մարտի 1-ին սահմանադրական կարգ չի տապալվել։ Դա կեղծիք է։ Ութսուն հատորների մեջ չկա որևէ ցուցմունք, որ տրված է նախագահ Ռոբերտ Քոչարյանի դեմ։ Ավելի քան 40 000 մարդ ստորագրել է այն հայտարարության տակ, որով կոչ է արվում դադարեցնել քրեական հետապնդումը նախագահ Քոչարյանի դեմ»,- ասաց Սողոմոնյանը։
Ռոբերտ Անանյան
