02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Մեր իրավաբանությունը լուրջ դիմադրություն է ցույց տալիս ֆուտուրիստական իրավաբանությանը․ Ռուբեն Մելիքյան. ՏԵՍԱՆՅՈՒԹ
Քաղաքականություն
15.11.2019 | 12:33
«Անցյալ տարվանից սկսած իրադարձությունները կարելի է նոր տեսության մեջ տեղավորել, որը ես կարող եմ կոչել ֆուտուրիստական իրավաբանություն։ Մայիսի 20-ին դատարանների արգելափակումը կարելի է տեղավորել ֆուտուրիստական իրավաբանության մեջ։ Մենք հիմա փաստեր ենք հավաքում։ Եթե նույնիսկ ընդունենք, որ խախտվել է օրենք, միևնույն է, այստեղ հանցագործություն չկա, քանի որ չկա հանրային վտանգ։ Այս սկզբունքը հազվադեպ է կիրառվում։ Գործադիր իշխանության այս նախաձեռնությանը ԲԴԽ-ն չարձագանքեց, մեկ անդամ նույնիսկ պաշտպանեց այդ նախաձեռնությունը։ Դժվար է նման մեկ այլ երևույթ գտնել, երբ մարդը ընտրվի ՍԴ դատավոր, ապա ստանձնի նախագահի պաշտոնը, հետո՝ ասի, թե ՍԴ-ում կա ճգնաժամ, որը նախկինում չկար։ Այս տեսությունը վտանգում է շատ ինստիտուտներ»,- «Վերնատուն» հասարակական-քաղաքական ակումբի համաժողովում ասաց Արցախի նախկին օմբուդսմեն Ռուբեն Մելիքյանը։
Նա խոսեց նաև ՀՀ երկրորդ նախագահ Ռոբերտ Քոչարյանի պաշտպաններ Նարեկ Մութաֆյանի և Սարգիս Օհանջանյանի կալանավորման մասին՝ հիշեցնելով, որ նրանք արդարադատության իրականացման մեջ են մեղադրվում այն պարագայում, երբ գրեթե նույնպիսի իրավիճակ էր ՍԴ դատավորներից Ալվինա Գյուլումյանի պարագայում։ Այս միջադեպի ժամանակ, սակայն, դատավորի դեմ գործողությունների համար մեղադրանք չառաջադրվեց քաղաքացիներին։
Ռուբեն Մելիքյանը նշեց․ «Մեր իրավաբանությունը լուրջ դիմադրություն է ցույց տալիս ֆուտուրիստական իրավաբանությանը»:
Մանրամասները՝ տեսանյութում:
Ռոբերտ Անանյան
