13.01.2026 | 10:43
Ֆեյսբուքյան կեղծ էջերով ԱՄՆ-ում բնակվող հայերի անունից հափշտակել են մոտ 11 մլն ՀՀ դրամ․ ՔԿ
Երևանին նման գումարներ տրամադրելով՝ խախտում ենք տարածքների համաչափ զարգացման սկզբունքը. Վարազդատ Կարապետյան. ՏԵՍԱՆՅՈՒԹ
Տնտեսություն
15.11.2019 | 11:13
Ազգային ժողովում շարունակվում են 2020 թվականի բյուջեի նախագծի քննարկումները: «Իմ քայլը» խմբակցության պատգամավոր Վարազդատ Կարապետյանի կարծիքով, Երևանին երկու ծրագրի իրականացման համար նման գումարներ տրամադրելով, խախտում են տարածքների համաչափ զարգացման սկզբունքը:
«Երևանի հետ կապված երկու ծրագիր կա՝ մեկը՝ լուսավորության, մյուսը ճանապարհների փոսալցման, ճաքալցման հետ է կապված: Կարծում եմ, որ Երևանին նման գումարներ տրամադրելով, խոսքը 5.5 մլրդ դրամի մասին է, խախտում ենք տարածքների համաչափ զարգացման սկզբունքը: Այս գումարը պետք է ուղղվի ընդհանուր սուբվենցիոն ծրագրերին, որպեսզի Հայաստանի բոլոր համայնքներին հավասարաչափ բաշխվի: Երևանի բյուջեն՝ մեկ շնչին ընկնող, առանց այդ էլ մոտ երեք անգամ ավելի շատ է, քան Հանրապետության մնացած միջին ցուցանիշը: Իհարկե, շատ էական է Երևանը մեզ համար, բայց մնացած մարզերը, գյուղերը նույնպես էական են»,- ասաց Վարազդատ Կարապետյանը:
Մանրամասները՝ տեսանյութում:
