10.07.2026 | 10:20
ԱՄՆ մասնագետները Հայաստանում են՝ ԹՐԻՓՓ-ի երկաթուղային նախագծի նախապատրաստման համար
Հայաստանի բիոլաբորատորիաների հարցով հուշագրի ստորագրումը չպետք է ձգձգվի. Զախարովա
Քաղաքականություն
14.11.2019 | 20:40
Հայաստանի կենսաբանական լաբորատորիաներ ռուսաստանցի մասնագետների մուտքը թույլատրելու մասին հուշագրի ստորագրման գործընթացը չպետք է ձգձգվի: Այս մասին լրագրողների հետ հանդիպմանը հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը:
Դիվանագետը նշել է, որ ներկայում տեղեկություն չունի փաստաթղթի ստորագրման մոտավոր ժամկետի մասին:
«Հույս ունենք, որ այն (հուշագրի ստորագրման գործընթացը) չի ձգձգվի»,- հավելել է նա:
Նոյեմբերի 11-ին Երևանում ՀՀ ԱԳ նախարար Զոհրաբ Մնացականյանի հետ համատեղ ասուլիսում ՌԴ ԱԳ նախարար Սերգեյ Լավրովը հայտարարեց հուշագրի տեքստի շուրջ բանակցությունների ավարտի մասին: Այն երաշխավորելու է, որ Հայաստանի կենսաբանական լաբորատորիաներ օտարերկրյա զինվորականներ չեն լինի:
Լավրովի խոսքով՝ այս փաստաթուղթը կամրապնդի կենսաբանական անվտանգության ապահովման ոլորտում Հայաստանի և Ռուսաստանի փոխգործակցությունը:
