02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
300 մլրդ դրամ կա սառեցված վիճակում, որից 150-ը դատական պրոցեսում է. Նիկոլ Փաշինյան
Հասարակություն
14.11.2019 | 18:13
Վարչապետ Նիկոլ Փաշինյանն այսօր Ամերիկյան առևտրի պալատի կազմակերպած հանդիման ընթացքում հարցուպատասխանի ժամանակ ասաց, որ այս պահին Հայաստանի բանկերում շուրջ 300 միլիարդ դրամի սառեցված գումարներ կան, որի կեսը դատական պրոցեսում է:
Ըստ Փաշինյանի՝ կան դեպքեր, երբ գումարը տնօրինողները պատրաստ են ներդրում անել, բայց դատական պրոցեսի պատճառով չի ստացվում:
Նիկոլ Փաշինյանը նաև ասաց, որ Երևանի կենտրոնում էլ կան ներդրումային ծրագրեր, որոնք կյանքի չեն կոչվում, քանի որ հարևաններից մեկի հետ դատական պրոցեսի մեջ է ներդրողը: Ըստ նրա՝ նախկինում քաղաքական ուժն է նման հարցերը լուծել, հիմա իրենք թողնում են, որ դատարանները որոշեն և դրա պատճառով հաճախ գործերը ձգձգվում են:
