13.01.2026 | 15:28
«Ոստիկանություն դիմելը, եթե շարունակի ամոթ լինել, մենք այդ հարցը չենք լուծելու»․ Պապիկյան․ ՏԵՍԱՆՅՈՒԹ
Գյումրիում փուլ առ փուլ շահագործման կհանձնվի ավտոմեքենաների մաքսազերծման գործառույթն իրականացնող կառույցը. Դավիթ Անանյանն աշխատանքային հերթական այցով եղել է Գյումրիում
Տնտեսություն
14.11.2019 | 16:31
ՊԵԿ տեղեկատվության և հասարակայնության հետ կապերի բաժնից տեղեկացնում են, որ ՀՀ պետական եկամուտների կոմիտեի նախագահ Դավիթ Անանյանն այսօր աշխատանքային հերթական այցն է կատարել Գյումրիում կառուցվող, Հյուսիսային արտաքին տնտեսական գործունեության սպասարկման կենտրոնի համար նախատեսված տարածք` հետևելու շինարարական աշխատանքների ընթացքին:
«Դավիթ Անանյանի տեղեկացմամբ՝ նոյեմբերի 18-ից սկսած Գյումրիիում փուլ առ փուլ շահագործման կհանձնվի ավտոմեքենաների մաքսազերծման գործառույթն իրականացնող կառույցը, որը ողջ ծավալով շահագործվելու պարագայում օրական կսպասարկի 1000-ից ավելի ավտոմեքենա:
Դավիթ Անանյանն ընդհանուր առմամբ բավարար է գնահատել շինարարական աշխատանքների ընթացքը, որոնք կատարվում են վերանայված գրաֆիկով: Ըստ նրա՝ եղել են բազմաթիվ խնդիրներ, որոնք հաղթահարվել են: ՊԵԿ նախագահը, շրջելով շինհրապարակում, ծանոթացել է կատարված աշխատանքներին և նախանշել առաջիկա անելիքները:
Հիշեցնենք, որ Գյումրիում նախատեսվում է կառուցել ՊԵԿ Հյուսիսային արտաքին տնտեսական գործունեության սպասարկման կենտրոն, որտեղ կտեղակայվի էլեկտրոնային կառավարման համակարգերի և թվային լուծումների վրա հիմնված, ԱՏԳ մասնակիցների սպասարկման կենտրոն՝ մաքսային գործառնությունները դյուրացնելու, արդյունավետությունը բարձրացնելու և առավել որակյալ ու ժամանակակից ծառայություններ մատուցելու համար»,- ասված է հաղորդագրությունում:
