10.01.2025 | 23:14
ՊԵԿ նախագահն ընդունել է Հնդկաստանի դեսպանին
Խնդիր ենք դրել տարբեր գործիքների միջոցով ստուգել դատավորների բարեվարքությունը. Ռուստամ Բադասյան. ՏԵՍԱՆՅՈՒԹ
Հասարակություն
14.11.2019 | 14:10
Կառավարությունն այսօր հավանության արժանացրեց «Սահմանադրական դատարանի մասին» Հայաստանի Հանրապետության սահմանադրական օրենքում լրացում կատարելու մասին» և Հայաստանի Հանրապետության սահմանադրական օրենքի և «Պաշտոնատար անձանց գործունեության ապահովման, սպասարկման և սոցիալական երաշխիքների մասին» օրենքում լրացում կատարելու մասին» օրենքների նախագծերի փաթեթը:
Արդարադատության նախարար Ռուստամ Բադասյանը տեղեկացրեց, որ նախագծերի փաթեթը բավական լայն հանրային քննարկում է անցել, փաթեթն ուղարկվել է Վենետիկի հանձնաժողով և Վենետեիկի հանձնաժողովից ստացել են նախագծի տարբեր կարգավորումների հետ կապված կարծիք, մասնավորապես, վաղ կենսաթոշակային սխեմայի ներդրման մասով:
«Այսօր ներկայացվող նախագծերով ներդրվում է վաղ կենսաթոշակի սխեման: Կառավարությունը թե՛ մեր դատաիրավական բարեփոխումների, թե՛ հակակոռուպցիոն բարեփոխումների ռազմավարությամբ, հաշվի առնելով, որ Հայաստանում տարիներ շարունակ բարձր կոռուպցիայի մակարդակ է եղել և այդ կոռուպցիան իր ազդեցությունն է ունեցել նաև դատական մարմինների ձևավորման վրա, խնդիր ենք դրել տարբեր գործիքների միջոցով ստուգել բարեվարքությունը դատավորների և այլ իրավապահ մարմինների: Եվ վաղ կենսաթոշակի ներդրումը հերթական քայլն է այդ ուղղությամբ»,- ասաց Բադասյանը:
Վարչապետ Նիկոլ Փաշինյանը նկատեց, որ 2015 թվականի սահմանադրական փոփոխություններով հիմնադրվել է Սահմանադրական դատարանի մոդել:
«Սահմանադրական դատարանի դատավորների պաշտոնավորման 12 տարի ժամկետ է սահմանված, նախատեսվում է, որ ՍԴ նախագահը պետք է ընտրվի ՍԴ անդամների կողմից, պաշտոնավարման ժամկետ է սահմանված վեց տարին: Հիմա այս բոլոր դրույթներն ուժի մեջ են մտնել սահմանադրական մյուս դրույթների հետ: Այս դրույթներն ամբողջությամբ ուժի մեջ են մտել, բայց այս սահմանդարական փոփոխությունների նախատեսված դրույթները հնարավոր չէ իրականացնել առնվազն մինչ 2035 թվականը: Փաստորեն, սահմանադրական փոփոխությունների հեղինակները մի կողմից ասել են, որ երազանքի Սահմանադրական դատարանի մոդելը գտել ենք, մյուս կողմից գործողություններ են արել, որոնք ՀՀ-ին մինչև 2035 թիվը թույլ չեն տալու ունենալու երազանքի Սահմանադրական դատարանը»,- նշեց վարչապետը:
Մանրամասները՝ տեսանյութում:
