21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Արսեն Բաբայանի դեմ ցուցմունք գոյություն չունի․ Երվանդ Վարոսյան. ՏԵՍԱՆՅՈՒԹ
Հասարակություն
14.11.2019 | 12:44
«Ինձ քաղաքական որոշմամբ ազատազրկեցին և քաղաքական որոշմամբ էլ ազատեցին։ Հիշում եք, որ Սիսակ Գաբրիելյանը հայտարարեց, որ ինձ համար երաշխավորություն ներկայացնելը քննարկել է քաղաքական թիմի հետ։ Այս գործը պետք է միանգամից կարճել։ Հնարավոր չէ կանխատեսել, թե ինչ ելք կունենա այս գործը»,- ասաց ԱԺ աշխատակազմի ղեկավարի նախկին տեղակալ Արսեն Բաբայանը։
Նա հայտարարել էր, թե գործում կան իր անմեղությունը ապացուցող նյութեր։ Ինչի՞ մասին է խոսքը, փաստաբան Երվանդ Վարոսյանը բացատրեց․ «Խոսքը ինչի մասին է գնում։ Արսեն Բաբայանին մեղադրում են, թե նա միջոց է ձեռնարկել, որ ամսի 5-ին գոյություն ունեցած փաստաթուղթը ձևակերպվի ամսի 2-ին։ Պարոն Բաբայանը, այո, պնդում է, որ կան նյութեր, որոնք մեղադրանքում շարադրված տեքստի հետ որևէ առնչություն չունեն»։
Իսկ ովքե՞ր են ցուցմունք տվել Բաբայանի դեմ, ըստ փաստաբան Վարոսյանի՝ Արսեն Բաբայանի դեմ ցուցմունք գոյություն չունի․ «Շատ ենք ականատես եղել քաղաքական հետապնդումների, բայց էս տիպի իրավիճակ, երբ իրականության հետ առնչություն չունեցող տեքստը հրամցվում է որպես մեղադրական տեքստ․․․ Իրավաբանությունը երբեք այսքան չի իջեցվել»,- ասաց Վարոսյանը։
Մանրամասները՝ տեսանյութում:
Ռոբերտ Անանյան
