05.06.2026 | 20:56
Բանավեճի պնդումները՝ սխալներից մինչև մանիպուլյացիաներ․ Factor TV-ի ստուգումը՝ իրական ժամանակում. ՏԵՍԱՆՅՈՒԹ
«ԵՄ-ն իր անվտանգության համար ստիպված է համագործակցել Թուրքիայի հետ». Հունգարիայի արտգործնախարար
Քաղաքականություն
13.11.2019 | 21:47
Հունգարիայի արտգործնախարար Պիտեր Սիարտուն «Euronews»-ին տված հարցազրույցում անդրադարձել է Թուրքիայի նախագահ Ռեջեփ Թայիփ Էրդողանի` Հունգարիա կատարած այցին. գրում է ermenihaber-ը:
Արտգործնախարարը նշել է, որ Թուրքիայի նախագահի այցի ընթացքում քննարկվել են երկկողմ հարաբերություններին առնչվող հարցեր, այդ թվում նաև սիրիացի փախստականների հարցը:
Նրա խոսքով` ԵՄ-ն իր անվտանգության համար ստիպված է համագործակցել Թուրքիայի հետ:
«Որոշ երկրներ չեն հասկանում, որ Թուրքիայի տարածքում կա 3-ից 4 մլն փախստական: Եթե Թուրքիայի նախագահ Ռեջեփ Թայիփ Էրդողանը նրանց Եվրոպա ուղարկի, ապա այդ իրավիճակը Եվրոպա աշխարհամասում լուրջ անվտանգային խնդիրների կհանգեցնի, ինչը հարկավոր է կանխել»,-ասել է Սիարտուն:
Նա հիշեցնելով, որ Հունգարիայի հարավային սահմանը դուրս է և ԵՄ-ի և Շենգենյան գոտու սահմաններից, ասել է.
«Եթե 4 մլն փախստականներ Թուրքիայից շարժվեն Եվրոպա, ապա առաջին կետը լինելու է Հունգարիայի սահմանը»:
