18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Համայնքները նույնպես պետք է շահագրգռված լինեն տնտեսության զարգացմամբ. Վարազդատ Կարապետյան. ՏԵՍԱՆՅՈՒԹ
Քաղաքականություն
13.11.2019 | 12:59
Ապակենտրոնացումը համարում ենք կարևորագույն քայլերից մեկը, որը պետք է անենք: Ինչքան հանրային ծառայությունների մատուցումը մոտենում է հանրությանը, այդքան դրա արդյունավետությունը բարձրանում է: Այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Վարազդատ Կարապետյանը:
Պատգամավորը նկատեց, որ Տեղական ինքնակառավարման մարմինները հանրային ծառայությունների մատուցման ամենաարդյունավետ օղակը կարող են լինել՝ պայմանով, որ իրենք ի վիճակի են մատուցել այդ ծառայությունները:
«Պետք է հնարավորինս ապակենտրոնացնենք գործառույթները և ֆինանսները դեպի համայնքներ: Մինչ այդ պետք է համայնքների կարողությունների զարգացում, միավորում, այսինքն՝ որոշակի գործողություններ, որից հետո համայնքն ի վիճակի կլինի նմաօրինակ գործառույթներ և միջոցներ կառավարել: Սրանք բոլոր այն գործողություններն են, որոնց մենք կգնանք, նաև, օրինակ՝ եկամտային հարկի, շրջանառության հարկի որոշակի հատվածների մասհանում համայնքներին, որպեսզի համայնքները նույնպես շահագրգռված լինեն տնտեսության զարգացմամբ»,- նշեց Կարապետյանը:
Մանրամասները՝ տեսանյութում:
