13.01.2026 | 10:05
Լարս ավտոճանապարհը փակ է բոլոր տեսակի տրանսպորտային միջոցների համար
Լիբանանում բողոքի ակցիայի մասնակից է սպանվել
Քաղաքականություն
13.11.2019 | 12:10
Լիբանանի մայրաքաղաք Բեյրութից հարավ գտնվող Խալդե քաղաքում բողոքի ակցիայի մասնակից է սպանվել: Այս մասին հաղորդում է ՌԻԱ Նովոստին՝ վկայակոչելով Al Arabiya հեռուստաալիքը:
Ցուցարարը զոհվել է դիմահար կրակոցի արդյունքում: Կրակողը ձերբակալվել է:
Աղբյուրի փոխանցմամբ՝ այն բանից հետո, երբ նախագահ Միշել Աունը ցուցարարներին ակցիաները դադարեցնելու կոչ արեց, ակտիվիստները փակեցին երկրի մի քանի շրջանների, այդ թվում՝ մայրաքաղաք Բեյրութի ճանապարհները:
Նշենք, որ բողոքի ակցիաները Լիբանանում սկսվել են հոկտեմբերի 17-ին: Առաջին օրերին Բեյրութի կենտրոնում զանգվածային անկարգություններ էին, որոնք ուղեկցվում էին ցուցարարների և իրավապահների բախումներով:
Շուրջ երկու շաբաթվա ընթացքում բողոքի խաղաղ ակցիաներին հարյուր հազարավոր քաղաքացիներ են մասնակցել:
Միաժամանակ, Լիբանանում ՄԱԿ-ի հատուկ համակարգող Յան Կուբիշը երկրի իշխանություններին կոչ է արել արագացնել նոր կառավարության ձևավորումը:
«Հատուկ համակարգող Յան Կուբիշը Լիբանանի ղեկավարությանը կոչ է անում արագորեն վարչապետ նշանակել, խորհրդարանական խորհրդակցությունների գործընթաց սկսել և առավելագույնս արագացնել նոր կառավարության ձևավորման գործընթացը մարդկանց վստահությունը վայելող անձանց մասնակցությամբ»,- մասնավորապես ասված է հատուկ համակարգողի գրասենյակի տարածած հայտարարությունում:
