13.01.2026 | 16:23
Բացահայտվել են «Հայանտառ»-ի պաշտոնյայի կողմից կաշառք ստանալու դեպքեր. 4 անձի գործով նախաքննությունն ավարտվել է
Մանվել Գրիգորյանի մոտ դատարանում շնչառական նոպա է սկսել, տեղափոխել են «Նաիրի» ԲԿ. պաշպան
Հասարակություն
12.11.2019 | 16:01
ԱԺ նախկին պատգամավոր, գեներալ Մանվել Գրիգորյանի գործով հերթական դատական նիստի երկրորդ ընդմիջումից հետո Գրիգորյանի պաշտպան Արսեն Մկրտչյանը հայտնեց, որ «Գրիգորյանի մոտ շնչառական անբավարարության նոպա է սկսել, ինչից հետո նրան տեղափոխել են «Նաիրի» բժշկական կենտրոն»:
«Ես պրակտիկայում չեմ հիշում, որ ամբաստանյալը նման վիճակում դատարան ներկայանա, նրան անգամ չհարցնեն՝ ի վիճակի՞ է շարունակել ներկա գտնվել նիստին, կարո՞ղ են շարունակել: Էլ չեմ խոսում խնամակալի ուղեկցության մասին»,- նշեց Մանվել Գրիգորյանի պաշտպանական թիմից Գուրգեն Գրիգորյանը:
Հիշեցնենք, որ Մանվել Գրիգորյանն առողջական խնդիրների պատճառով արդեն մի քանի ամիս է՝ չէր ներկայանում դատական նիստերին: Այսօր նրան դատական նիստերի դահլիճում դիմավորեցին ծափերով և «Առողջություն զորավարին» վանկարկումներով:
Նելլի Մելքոնյան
