13.01.2026 | 18:44
Պորտուգալիայի հավաքականի ֆուտբոլիստը միացավ «Բարսելոնային»
Դամասկոսում իսրայելական հրթիռակոծության հետևանքով 2 զոհ կա
Քաղաքականություն
12.11.2019 | 16:17
Իսրայելը հրթիռակոծել է Սիրիայի մայրաքաղաք Դամասկոսի Մեզե շրջանը: Արդյունքում 2 մարդ զոհվել է, ևս 10-ը՝ վիրավորվել: Այս մասին գրում է սիրիական ՍԱՆԱ-ն:
Զինվորական աղբյուրը գործակալությանը փոխանցել է, որ առավոտյան 4:14-ին իսրայելական ռազմական օդանավերից Դամասկոսի ուղղությամբ երեք հրթիռ է արձակվել:
Սիրիական ՀՕՊ միջոցներն արագորեն արձագանքել են՝ խոցելով հրթիռներից մեկը: Մյուս երկու հրթիռները պայթել են Մեզե ալ-Գարբիա թաղամասում՝ Լիբանանի դեսպանատան մոտակայքում: Դրանք ընկել են «Իսլամական ջիհադ» պաղեստինյան շարժման ղեկավարներից Աքրամ ալ-Աջուրիի տան վրա: Արդյունքում ալ-Աջուրիի որդին զոհել է, թոռնուհին՝ վիրավորվել:
Հրթիռակոծության հետևանքով ալ-Աջուրիի, ինչպես նաև հարևան տները, մասնավորապես՝ Պակիստանի դեսպանի տունը, վնասվել են:
Հիշեցնենք, որ Գազայի հատվածում էլ իսրայելական հրթիռակոծության հետևանքով զոհվել է «Իսլամական ջիհադ»-ի ղեկավարներից Աբու ալ-Աթան:
