10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Սերժ Սարգսյանը պետք է միշտ լինի արենայում. Վահրամ Բաղդասարյան
Քաղաքականություն
09.10.2017 | 11:57
«Նախագահ Սերժ Սարգսյանը մինչև 18 թվականի ապրիլ նախագահն է, և որևէ քննարկում չենք ունեցել, թե ինչ է կատարվելու ապրիլից հետո: Զինվեք համբերությամբ, մենք ունենք բավական խնդիրներ, այդ խնդիրներով ենք զբաղված»,- այս մասին այսօր ԱԺ ճեպազրույցների ժամին ասաց ՀՀԿ խմբակցության ղեկավար Վահրամ Բաղդասարյանը՝ անդրադառնալով 2018 թ. վարչապետի հնարավոր թեկնածուի մասին հարցին:
Բաղդասարյանը վստահեցրեց՝ երբ ժամանակը գա, Սերժ Սարգսյանն ինքը կխոսի այդ մասին: Լրագրողները հետաքրքրվեցին՝ հնարավոր համարո՞ւմ է, որ անվտանգության նկատառումներից ելնելով Սերժ Սարգսյանը լինի վարչապետ, ինչին ՀՀԿ խմբակցության ղեկավարն արձագանքեց. «Քաղաքականության մեջ ոչինչ չեմ բացառում, ինքը մեր քաղաքական թիմի առաջնորդն է ու միշտ պիտի լինի արենայում, և` ամենացայտուն քաղաքական գործիչներից մեկը»:
Առավել մանրամասն՝ տեսանյութում:
Շողիկ Գալստյան
