10.09.2026 | 21:13
Զինված միջադեպ Ստամբուլում․ երկու մարդ զոհվել է, մեկը՝ վիրավորվել
Բա որ Սերժ Սարգսյանը Արտաշես Գեղամյանին դատարկ դհոլ էր ասում, քաղաքական կոռեկտությունը մոդա չէ՞ր. Նիկոլ Փաշինյան
Տեսանյութեր
09.10.2017 | 11:52
ԱԺ «Ելք» խմբակցությունն այսօր պաշտոնապես շրջանառության մեջ է դրել Ազգային ժողովի էթիկայի հանձնաժողով ստեղծելու մասին որոշման նախագիծը, որը քննելու է նախորդ շաբաթ ԱԺ պատգամավորներ Արտաշես Գեղամյանի և Նիկոլ Փաշինյանի միջև տեղի ունեցած միջադեպի մանրամասները: Այս մասին այսօր խորհրդարանական ճեպազրույցների ժամին տեղեկացրեց ընդդիմադիր խմբակցության ղեկավար Նիկոլ Փաշինյանը:
«Դուք ինքներդ վկա եք, որ ես հակված չէի տեղի ունեցածին քաղաքական հնչեղություն հաղորդել, բայց այդ միջադեպից հետո տեսանք, որ Հանրապետական խմբակցությունը դրա շուրջ փորձում է հանդուրժողական մթնոլորտ ստեղծել և հստակ գնահատական չտալ տեղի ունեցածին։ Տեղի ունեցածի մեջ ավելի լուրջ պրոբլեմ կա՝ դա բանավեճի մեջ սիստեմատիկ պարտվողների բարդույթի արտահայտումն է։ Փաստն այն է, որ Հանրապետականն էլ արձանագրում է՝ հետագա բանավեճերն էլ նույն ճակատագիրն են ունենալու: Իրենք շատ սխալ ճանապարհ են ընտրել», – ասաց Նիկոլ Փաշինյանը:
Ինչ վերաբերում է միջադեպի առնչությամբ իշխող ուժի կողմից հնչող կոռեկտության կոչերին՝ Փաշինյանը հակադարձեց. «Երբ Սերժ Սարգսյանը Գեղամյանին դատարկ դհոլ էր ասում, էդ ժամանակ քաղաքական կոռեկտությունը մոդա՞ չէր»։
Մանրամասները՝ տեսանյութում:
Շողիկ Գալստյան
