27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
Նիկոս Անաստասիադիսը Թուրքիայից պահանջել է Կիպրոսից դուրս բերել զորքը
Քաղաքականություն
11.11.2019 | 23:01
Կիպրոսի Հանրապետության նախագահ Նիկոս Անաստասիադիսը ՄԱԿ-ի ններկայացրած վստահության ձևավորմանն ուղղված միջոցառումների փաստաթղթում պահանջել է Թուրքիայից զորքերը դուրս բերել Կիպրոսից. գրում է ermenihabe-ը:
Անաստասիադիսը նշել է, որ Վարոշայի շրջանը (Ֆամագուստա քաղաքի շրջան, թուրքերեն` Քափալը Մարաշ- Փակ Մարաշ) պետք է վերադարձվի հույներին և թուրքական 5.000-ից 10.000-անոց զորքը դուրս գա Կիպրոսից (խմբ.` այժմ Վարոշան գտնվում է Հյուսիսային Կիպրոսի ինքնահռչակ թուրքական հանրապետության կազմում):
Թուրքական աղբյուրի փոխանցմամբ` Անաստասիադիսը պահանջել է նաև ավելացնել սահմանային անցակետերը Հյուսիսային Կիպրոսի ինքնահռչակ թուրքական հանրապետության և Կիպրոսի Հանրապետության միջև:
Նա նկատել է տվել, որ էներգիայի հարցում Թուրքիան անընդհատ խախտում է Կիպրոսի Հանրապետության ինքնիշխանության իրավունքը: Կիպրոսի նախագահը 12 կետից բաղկացած փաստաթուղթը ՄԱԿ-ին է ներկայացրել նոյեմբեր 25-ին Հյուսիսային Կիպրոսի ինքնահռչակ թուրքական հանրապետության նախագահ Մուստաֆա Աքընջըի և ՄԱԿ-ի գլխավոր քարտուղար Անտոնիո Գուտերեշի միջև կայանալիք հանդիպմանը ընդառաջ:
