18.10.2026 | 15:12
Ֆրանսիայում ցուցարարները հրկիզել են Լիմոժի քաղաքապետարանի պատմական շենքը
Թուրքիան սկսել է ԻՊ-ի զինյալներին արտաքսել Եվրոպա և ԱՄՆ
Քաղաքականություն
11.11.2019 | 18:11
Թուրքիան սկսել է նախկինում գերեվարված «Իսլամական պետություն» ահաբեկչական խմբավորման զինյալներին արտաքսել այն երկրներ, որոնց քաղաքացի են նրանք: ՌԻԱ Նովոստիի փոխանցմամբ՝ այս մասին հայտնել է Թուրքիայի ՆԳՆ մամուլի քարտուղար Իսմայիլ Չաթաքլըն:
«ԱՄՆ-ից ԻՊ-ի ահաբեկիչը, որի նկատմամբ բոլոր գործողություններն ավարտվել են, արդեն արտաքսվել է Թուրքիայից: Եվ 7 օտարերկրացի զինյալ՝ գերմանական ծագումով, կարտաքսվի նոյեմբերի 14-ին»,- ասել է Չաթաքլըն:
Մեկ զինյալ էլ արտաքսվելու է Դանիա:
ՆԳ նախարար Սուլեյման Սոյլուն ավելի վաղ հայտարարել էր, որ Անկարան մտադիր է երկուշաբթիից ԻՊ-ի գերի զինյալներին վերադարձնել իրենց ծագման երկիր:
«Մենք Եվրոպային ասոսւմ ենք՝ «Ձեզ ենք վերադարձնում այդ մարդկանց», և մենք սկսելու ենք երկուշաբթիից»,- հայտարարել էր Սոյլուն:
Թուրք պաշտոնյան դատապարտել է Բելգիայի առաջարկը՝ զինյալների գործով դատաքննություն իրականացնել այնտեղ, որտեղ նրանք հանցագործություն են կատարել: Այդ համատեքստում Սոյլուն Եվրոպային նաև մեղադրել է «երկակի ստանդներ կիրառելու համար, ինչպես միշտ արել են»:
Սուլեյման Սոյլուն նշել է, որ ներկայում Թուրքիայում ԻՊ-ի շուրջ 1.200 անդամ կա, ևս 287-ը ձերբակալվել է Սիրիայի հյուսիսում ռազմական գործողության ժամանակ:
