28.11.2024 | 14:48
ՔԿ նոր նախագահը` Քյարամյանին վերագրվող խոշտանգումների դեպքերն ուսումնասիրելու մասին․ ՏԵՍԱՆՅՈՒԹ
Իսպանիայի խորհրդարանական ընտրություններում հաղթել են սոցիալիստները
Քաղաքականություն
11.11.2019 | 13:15
Իսպանիայի իշխող Սոցիալիստական աշխարավորական կուսակցությունը, քվեաթերթիկների 99.91%-ի հաշվարկի արդյունքներով, հաղթանակ է տարել արտահերթ խորհրդարանական ընտրություններում: Այս մասին գրում է ՌԲԿ-ն՝ վկայակոչելով El Mundo պարբերականը:
Նշենք, որ սրանք չորս տարվա ընթացքում չորրորդ ընտրություններն էին:
Սոցիալիստական կուսակցությունը իսպանական խորհրդարանի ստորին պալատում՝ Պատգամավորների կոնգրեսում ստացել է 350 տեղից 120-ը: Պահպանողական Ժողովրդական կուսակցությունը ստացել է 87, ծայրահեղ աջ Vox-ը՝ 52, Podemos ձախ կուսակցությունը՝ 35, աջ կենտրոնամետ «Քաղաքացիները»՝ 35 տեղ:
Ընտրությունների արդյունքներից պարզ է դառնում, որ ոչ մի քաղաքական ուժ չի կարողացել բացարձակ մեծամասնություն կազմել, որպեսզի կարողանա առանց խոչընդոտի կառավարություն կազմել:
Իսպանիայի վարչապետի պաշտոնակատար Պեդրո Սանչեսը խոստացել է կայուն կառավարություն կազմել՝ երկրի քաղաքական մյուս ուժերին կոչ անելով նպաստել «ապարգելափակել քաղաքական իրադրությունը» Իսպանիայում:
