18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
Ասադը Սիրիայում հակամարտությունը երրորդ աշխարհամարտի «փոքր տարբերակն» է կոչել
Քաղաքականություն
11.11.2019 | 13:28
Սիրիայում հակամարտությունը երրորդ համաշխարհային պատերազմի փոքր տարբերակն է: RT-ին տված բացառիկ հարցազրույցում այս մասին ասել է Սիրիայի նախագահ Բաշար Ասադը:
Նա չի բացառել, որ նավթը կարելի է համարել Սիրիայում պատերազմ սկսելու գործոններից մեկը:
«Մի մոռացեք, որ ԱՄՆ-ն պատերազմ է մղում ամբողջ աշխարհում: Այստեղ խոսքը տեկտոնական տեղաշարժերի և «երկրաշարժերի» մասին է: Չէ՞ որ Երկրորդ աշխարհամարտից հետո հաստատված հին աշխարհակարգը սպառել է իրեն, հատկապես՝ Խորհրդային միության անկումից հետո: Միաբևեռ աշխարհի մոդելն այլև գործուն չէ: Առանձնանում են մի շարք աճող տերություններ, ինչպես, օրինակ, Ռուսաստանը, Չինաստանը, Հնդկաստանը և այլն»,- ասել է նա:
Ասադը, միաժամանակ, նշել է, որ «առաջատար լինելու գործում ԱՄՆ-ն չի ցանկանում ոչ ոքի գործընկեր ճանաչել», նույնիսկ Մեծ Բրիտանիայի, Ֆրանսիային և այլ խոշոր պետությունների:
Ինչ վերաբերում է սիրիական հակամարտության կարգավորման հարցով Ժնևյան գործընթացին, Բաշար Ասադի կարծիքով՝ Վաշինգտոնը փորձում է դրա շրջանակում իր նպատակներին հասնել, այդ պատճառով այս ձևաչափն անհաջողության մատնվեց:
«Դա ամերիկյան հնարք է: Այն նպատակ ունի հասնել քաղաքականությանը, որը չկարողացավ առաջ տանել նախ՝ ցույցերի, հետո՝ ահաբեկիչների օգնությամբ»,- հայտարարել է Սիրիայի նախագահը:
Նա նաև նշել է, որ Ժնևյան գործընթացի ձախողումը բանակցությունների Սոչիի ձևաչափին անցման պատճառ դարձավ: «Սոչին աշխատում է: Անցյալ ամիս մեզ մոտ պատվիրակություն կար: Անցյալ շաբաթ նրանք սկսել բանակցել Սահմանադրության հարցով: Ժնևն ընդամենը բանակցությունների հարթակ է, քաղաքական գործընթացները տեղի են ունենում Սոչիում»,- հավելել է Բաշար Ասադը:
Սիրիայի նախագահի խոսքով՝ ԱՄՆ-ն անհանգստացած է, որ կարող է կորցնել համաշխարհային գերիշխանությունը, այդ պատճառով որոշել է պայքարել Ռուսաստանի, Իրանի և Սիրիայի դեմ: «Վաշինգտոնը գոյատևման պայքար է մղում»,- հայտարարել է նա:
