07.11.2026 | 23:25
Նիկոլ Փաշինյանը իր կործանարար քաղաքականությամբ միավորեց ամբողջ ընդդիմությանը. Լևոն Զուրաբյան. ՏԵՍԱՆՅՈՒԹ
Պետության մասնաբաժինը «Զանգեզուրի կոմբինատում» շուրջ 43% է․ Մհեր Պոլոսկով. ՏԵՍԱՆՅՈՒԹ
Տնտեսություն
11.11.2019 | 11:05
«Զանգեզուրի» պղնձամոլիբդենային կոմբինատը Factor TV-ի խնդրանքով ներկայացրեց ընկերության ֆինանսական հաշվետվությունը։ Մասնավորապես, մեզ հետաքրքրում էր, թե որքան հասույթ է ունեցել կոմբինատը, ինչքան հարկ է վճարել և հասույթից որքան է պետության մասնաբաժինը։
Կոմբինատի գլխավոր տնօրեն Մհեր Պոլոսկովը բերեց հետևյալ թվերը՝ սկսած 2005 թվականից։
Այսպես, ըստ ներկայացված տվյալների՝ սկսած 2005 թվականից մինչև 2019 թվականի 1-ին 8 ամիսը «Զանգեզուրի» պղնձամոլիբդենային կոմբինատի հասույթը կազել է 3 միլիարդ 909 միլիոն դոլար, որից որպես հարկ վճարվել է 948 միլիոն դոլար, այսինքն՝ հասույթի մոտ 24․2%-ը, որից 305 միլիոն դոլարը մինչև 2018 թվականի վերջ վճարված ռոյալթիի (ռոյալթին գանձվում է մետաղական օգտակար հանածոների օգտագործումը փոխհատուցելու նպատակով) վճարն է։ Այս տարի մոտ 50 միլիոն դոլար է վճարվել։
Ընդհանուր ռոյալթիի վճարը կազմել է մոտավորապես 355 միլիոն դոլար։
Մհերը Պոլոսկովը ներկայացրեց նաև այլ ծախսեր, որոնք ծախսվում են ոչ որպես հարկ։ Այսպես՝ «Զանգեզուրի» պղնձամոլիբդենային կոմբինատը 2005 թվականից ի վեր բարեգործական նպատակով ծախսել է 120 միլիոն դոլարին համարժեք դրամ, այսինքն՝ հասույթի մոտ 3%-ը և որպես դիվիդենտ վճարվել է 469 միլիոն դոլար, այսինքն՝ հասույթի մոտ 12%-ը։
«Համադրելով ոչ շահութահարկը, այլ զուտ ռոյալթին, կարող ենք փաստել, որ պետության մասնաբաժինը այս ընկերության առօրյայի մեջ, անցած 14 տարվա ընթացքում կազմել է միջինում 43%։ Երբ խոսքը գնում է ընկերության գերշահույթների, ընկերության թվերը ոչ հասանելի լինելու մասին, մեր պատասխանը պարզ է՝ մեր ցուցանիշները պարտավոր ենք տրամադրել և ամփոփ ներկայացնում ենք ձեզ։ Նման պատկեր, ինձ թվում է, կլինի այլ կոլեգաների մոտ, որովհետև պետության մասնակցությունը զգալի է»,- ասաց կոմբինատի գլխավոր տնօրենը։
Նշենք, որ ավանդաբար «Զանգեզուրի» պղնձամոլիբդենային կոմբինատը խոշոր հարկատուների ցանկում բարձր հորիզոնականներ է զբաղեցնում։ Անցած տարվա պես այս տարի ևս 2019 թվականի 1-ին 9 ամիսներին խոշոր հատրկատուների ցուցակը գլխավորում է Զանգեզուրի պղնձամոլիբդենային կոմբինատը, որը վճարել է 40,5 միլիարդ դրամ հարկ ու տուրք՝ 7,8 միլիարդով ավելի, քան նախորդ տարվա նույն ժամանակահատվածում:
Մանրամասները՝ տեսանյութում:
Ռոբերտ Անանյան
