Քաղաքականություն
07.11.2019 | 16:18Այսօր առավոտից Կառավարության դիմաց ԿԳՄՍ նախարար Արայիկ Հարությունյանի հրաժարականի պահանջով բողոքի ակցիա իրականացնող երիտասարդները, որոնց կազմում ՀՅԴ Հայաստանի երիտասարդական միության անդամներն են և ԵՊՀ մի քանի ֆակուլտետի ուսանողներ, ԿԳՄՍՆ շենքի դիմաց անժամկետ նստացույց են հայտարարել:
Քիչ առաջ նրանք նաև քնապարկեր բերեցին:
«Պատրաստվում ենք այստեղ մնալ այնքան, մինչև Արայիկ Հարությունյանը հրաժարական տա: Եթե պետք եղավ, այստեղ կգիշերենք»,- Factor.am-ի հետ զրույցում նշեց ակցիայի մասնակիցներից մեկը:
Հիշեցնենք, որ այսօր՝ լրագրողների հետ ճեպազրույցի ընթացքում Արայիկ Հարությունյանը, անդրադառնալով իր հրաժարականը պահանջող երիտասարդների ակցիային, ասել էր, որ նախարարությունում պատրաստ են ուսանողներին լսել և քննարկել նրանց խնդիրները:
Նելլի Մելքոնյան
