03.04.2026 | 12:45
Ռուսական զորքերը Խերսոնում ԱԹՍ-ով հարվածել են միկրոավտոբուսի. վիրավորվել է յոթ մարդ
Էրդողանը հաստատել է ԱՄՆ նախատեսվող այցը
Քաղաքականություն
07.11.2019 | 10:57
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահ Դոնալդ Թրամփի հետ:
ԱՄՆ և Թուրքիայի ղեկավարները քննարկել են երկկողմ հարաբերությունների վերաբերյալ մի շարք հարցեր, այդ թվում` տարածաշրջանային զարգացումները:
Թուրքիայի նախագահը հաստատել է նոյեմբերի 13-ին նախատեսվող ԱՄՆ այցը և այս մասին գրառում է կատարել Twitter-ում:
Նա հույս է հայտնել, որ նոյեմբերի 13-ին կայանալիք այցի ընթացքում ԱՄՆ-ի հետ հարաբերություններում և տարածաշրջանային հարցերի շուրջ դրական արդյունքներ կգրանցեն:
Հիշեցնենք, որ հոկտեմբերի 29-ին ԱՄՆ Կոնգրեսի ստորին` Ներկայացուցիչների պալատը Հայոց ցեղասպանությունը ճանաչող բանաձև և Սիրիայում ռազմագործողություն իրականացնելու պատճառով Թուրքիայի դեմ տնտեսական պատժամիջոցներ կիրառելու վերաբերյալ օրինագիծ էր ընդունել:
Այդ կապակցությամբ Էրդողանը հայտնել էր, որ Թրամփի հրավերով` նոյեմբերի 13-ին նախատեսվող հանդիպման շուրջ դեռևս որոշում չի կայացրել և «որոշ հարցականներ կան»:
