31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
Երկու ժողովուրդներն ունեն շատ ընդհանրություններ. Հայաստանի նախագահի տիկին Նունե Սարգսյանը և Հունաստանի նախագահի տիկին Վլասիա Պավլոպուլուն այցելել են մշակութային կենտրոններ
Մշակույթ
06.11.2019 | 20:50
ՀՀ նախագահի աշխատակազմից տեղեկացնում են, որ հանրապետության նախագահի տիկին Նունե Սարգսյանը և պաշտոնական այցով Հայաստան ժամանած Հունաստանի նախագահի տիկին Վլասիա Պավլոպուլուն այսօր այցելել են Հայաստանի պատմության թանգարան:
«Շրջայցի ընթացքում տիկին Վլասիա Պավլոպուլուն նշել է, որ շատ տպավորված է պատմամշակութային ժառանգության ներկայացված ցուցանմուշներով: «Դրանք հերթական ապացույցն են այն բանի, որ մեր երկու ժողովուրդներն ունեն շատ ընդհանրություններ»,-նշել է Հունաստանի նախագահի տիկինը՝ հավելելով, որ երկու երկրների ընդհանուր անցյալը մեծապես նպաստում է բարեկամական կապերի ամրապնդմանը:
Տիկին Սարգսյանը նշել է, որ երկու երկրները միշտ եղել են բարեկամ և օգնել իրար: «Այս այցը կարևոր է մեր բարեկամությունն ամրապնդելու համար»,-ասել է Հայաստանի նախագահի տիկինը՝ ավելացնելով, որ տիկին Պավլոպուլուի հետ քննարկել են ՅՈՒՆԵՍԿՕ-ի շրջանակում պատմամշակութային ժառանգության պահպանության հարցում համատեղ ծրագրերի իրականացման հնարավորությունները»,- ասված է հաղորդագրությունում:
