07.11.2026 | 20:28
Նարեկ Կարապետյանի հանդիպումը համախմբման կոչին արձագանքած ուժերի հետ. ՈՒՂԻՂ
ԱՄՆ պաշտոնապես հայտնեց Փարիզի համաձայնագիրը լքելու մասին. VOA
Քաղաքականություն
06.11.2019 | 10:17
ԱՄՆ-ն հայտարարել է, որ ՄԱԿ-ին տեղեկացրել է 2015 թվականի կլիմայի փոփոխության մասին Փարիզի համաձայնագրից հեռանալու մասին, որով նախատեսվում է նվազեցնել ջերմոցային գազերի արտանետումները: Այս մասին գրում է «Ամերիկայի ձայնը»:
Փարիզի համաձայնագիրը լքելու մասին պաշտոնական տեղեկությունը հրապարակվել է Դոնալդ Թրամփի համաձայնագրից դուրս գալու հայտարարությունից երկու տարի անց:
Ըստ ԱՄՆ պետքարտուղարության՝ նախագահի որոշումը պայմանավորված է Փարիզի համաձայնագիրի անարդար մոտեցումների հետ, քանզի այն անարդար կերպով խոչընդոտում է ամերիկյան գործարարների, աշխատավորների ու հարկատուների գործունեությունը՝ միևնույն ժամանակ այլ երկրներին տալով արտոնություններ:
Փարիզի համաձայնագրի նպատակն է այս հարյուրամյակում պահպանել գլոբալ ջերմաստիճանի աճը ըստ ցելսիուսի 2 աստիճանից ցածր և միջոցներ ձեռնարկել 1,5 աստիճանով գլոբալ ջերմաստիճանի բարձրացման դեմ: Համաձայնագիրը նաև միտված է մեծացնելու երկրների կարողությունները կլիմայի փոփոխությանը հակազդելու հարցում:
ԱՄՆ զիջում է միայն Չինաստանին գազերի արտանետումների ծավալով:
Հաշվի առնելով համաձայնագրի առանձնահատկությունները՝ երկուշաբթի օրը միայն ԱՄՆ հնարավորություն ստացավ պաշտոնապես ներկայացնել համաձայնագիրը լքելու մասին իր որոշումը: Վերջնական դուրս բերման համար անհրաժեշտ է հավելյալ մեկ տարի:
Սակայն հաջորդ տարվա նոյեմբերի 4-ը համընկնում է ԱՄՆ-ում նախագահական ընտրությունների հետ:
Դեմոկրատները դեմ են համաձայնագիրը լքելուն, ուստի եթե 2020 թվականի ընտրություններում հաղթի դեմոկրատ թեկնածուն, ապա չի բացառվում, որ նա կարող է չեղարկել համաձայնագրից հեռացումը 2021 թվականի հունվարին:
