22.06.2026 | 18:48
Հայտնաբերվել է 410 ոչ սթափ վարորդ․ պարեկների անցած շաբաթվա ծառայության արդյունքները
ԱՄՆ-ն Սիրիայի նավթային շրջաններում նոր բազաներ է ստեղծում
Քաղաքականություն
05.11.2019 | 15:53
ԱՄՆ-ն Սիրիայի Դեր Զոր քաղաքի նավթի հանքավայրերի մերձակայքում երկու ռազմաբազա է կառուցելու: Այս մասին հայտնում է թուրքական Anadolu գործակալությունը:
Նշվում է, որ դրանցից մեկը կառուցվում է հենց Դեր Զորում, երկրորդը՝ նախկինում Սիրիայի բանակի շտաբին պատկանող 113-րդ բրիգադի տարածքում: Տարածք մեծ թվով շինարարական սարքավորումներ, զրահամեքենաներ և 250-300 զինծառայող է բերվել:
ՌԴ նախագահ Վլադիմիր Պուտինի՝ Սիրիայի հարցով հատուկ ներկայացուցիչ Ալեքսանդր Լավրենտևն ավելի վաղ հայտարարել էր, որ երկրի հյուսիս-արևելյան հատվածում գտնվող նավթամուղ շրջանները պետք է վերահսկվեն արաբական այս պետության նախագահ Բաշար Ասադի կողմից։
ՌԴ ԱԳՆ պաշտոնական ներկայացուցիչ Իգոր Կոնաշենկովն էլ իր հերթին նշել է, որ ԱՄՆ պետական մարմինները Սիրիայի նավթի եկամուտներից ամեն ամիս 30 միլիոն դոլար են ստանում:
