15.06.2026 | 14:16
«Զանգեզուրի միջանցքը կդառնա Միջին միջանցքի գլխավոր հատվածներից մեկը»․ Ալիև
Թեկնածուների առումով պատրաստ չենք. Լենա Նազարյանը՝ ՏԻՄ ընտրությունների մասին
Քաղաքականություն
06.10.2017 | 13:41
Նոյեմբերի 5-ին կայանալիք ՏԻՄ ընտրություններին «Ելք» դաշինքը պատրաստ չէ թեկնածուներ առաջադրել: Փոխարենը դաշիքն ամեն ինչ կանի, որ ընտրատեղամասերում հանձնաժողովի անդամներ ունենա: Այս մասին Factor.am-ի հետ զրույցում հայտնեց «Ելք» խմբակցության պատգամավոր Լենա Նազարյանը:
«Համապետական ընտրություններից հետո շատ քիչ ժամանակ էր մնացել, որպեսզի մենք կարողանայինք համայնքներում հանդիպել հնարավոր թեկնածուների հետ, քննարկել տարբեր հարցեր և առաջադրել թեկնածուներ»,- հիմնավորելով ընտրություններին «Ելք» դաշինքի թեկնածուներ չառաջադրելու փաստը՝ նշեց ընդդիմադիր պատգամավորը:
Լենա Նազարյանն, այդուհանդերձ, շարունակեց պնդել՝ իրենք կարևորում են ՏԻՄ ընտրությունները, ուստի ջանք ու եռանդ չեն խնայելու, որ հետագայում թեկնածուներ գտնեն և առաջադրեն:
Factor.am-ի դիտարկմանը, թե ԱԺ փոխնախագահ Էդուարդ Շարմազանովն ասում է՝ իշխանության ձգտող ընդդիմությունը փաստորեն չի մասնակցում ՏԻՄ ընտրություններին, արդյոք այնուամենայնիվ, «Ելք»-ը անհասկանալի պասիվություն չի ցուցաբերում, Նազարյանը չհամաձայնեց. «Մեզ համար դա առաջնահերթություն է, և պարոն Շարմազանովը չպետք է մեզ ասի, որ ՏԻՄ ընտրությունները կարևոր են: Մենք ինքներս էլ դա գիտենք, որովհետև ՏԻՄ ընտրությունների արդյունքներով է որոշվում համապետական ընտրությունների արդյուքները»:
Հարզազրույցն ամբողջությամբ՝ տեսանյութում:
Շողիկ Գալստյան
