17.09.2026 | 23:38
Սամվել Կարապետյանի տնային կալանքը երկարաձգվել է
Առաջինը պետք է հարցաքննվեն այն վկաները, որոնց վրա կարող է Քոչարյանը ազդեցություն ունենալ. դատախազ. ՏԵՍԱՆՅՈՒԹ
Հասարակություն
05.11.2019 | 14:44
Մեղադրող դատախազ Գևորգ Բաղդասարյանն առարկեց Ռոբերտ Քոչարյանին գրավի դիմաց ազատ արձակելու պաշտպանների միջնորդության դեմ: Դատախազն ասաց, որ գրավը չի կարող չեզոքացնել գործին խոչընդոտելու հանգամանքը: «Ռոբերտ Քոչարյանը կապեր ունի ՀՀ սահմաններից դուրս, և դա մեծացնում է ՀՀ-ից հեռանալու, քննությունից խուսափելու վտանգը: Գործին խոչընդոտելու ռիսկը ևս մեծ է: Սույն քրեական գործում առկա են փաստեր այն մասին, որ բարձրաստիճան պաշտոնատար անձինք ներգարվվել են եղածը քողարկելու գործում»,- ասաց մեղադրողը:
Նա հիշեցրեց, որ Մարտի 1-ի գործով բազմաթիվ ապացույցներ փոխվել են կամ կեղծվել. «Գործով հաստատված է, որ զինվորականների մասնակցության հանգամանքը քողարկելու համար փոխվել են զինվորականների մեքենաների պետհամարանիշները: Քոչարյանը կարող է ազդեցություն ունենալ վկաների վրա»:
Դատախազը նաև հայտարարեց, որ իրենք ցանկանում են, որպեսզի գործի դատաքննությունը մեկնարկի հնարավորինս շուտ, և իրենք ձեռնամուխ կլինեն, որ առաջինը հարցաքննվեն այն վկաները, որոնց վրա կարող է Քոչարյանը ազդեցություն ունենալ: Նա պնդեց, որ Քոչարյանի խափանման միջոցը պետք է չփոխվի, ինչը բխում է գործի շահերից:
Մանրամասները՝ տեսանյութում:
Լիլիթ Շաբոյան
