17.11.2024 | 16:37
Գործադիրը խորհրդարան է ներկայացրել փաթեթ՝ հիմքում դնելով բարձր տեխնոլոգիական ոլորտի աջակցությունը․ ԱԺ․ ՏԵՍԱՆՅՈՒԹ
Զորամասը լքած զինծառայողին մեղադրանք է առաջադրվել
Հասարակություն
04.11.2019 | 15:52
Օրերս զորամասն ինքնակամ լքած ժամկետային զինծառայող Էրիկ Գ.-ին մեղադրանք է առաջադրվել՝ ՀՀ քրեական օրենսգրքի 361 հոդվածի 1-ին մասով (զորամասը կամ ծառայության վայրն ինքնակամ թողնելը): Այս մասին Factor.am-ին ասաց վերջինիս փաստաբան Հայարփի Սարգսյանը։
Նա նշեց, որ տղան ստիպված է եղել զորամասը լքել, քանի որ եղել են որոշակի հանգամանքներ։ Բացի այդ, փաստաբանի փոխանցմամբ, զինծառայողը նպատակադրված է եղել հետ վերադառնալ զորամաս։
Զինծառայողն այժմ Ռազմական ոստիկանությունում է, նրա նկատմամբ որպես խափանման միջոց է ընտրվել հրամանատարության հսկողությանը հանձնելը։
Հիշեցնենք, որ Էրիկ Գ.-ն զորամասը լքել էր մոտ 10 օր. նա հայտնաբերվել էր ընկերոջ տանը: Նրան հայտնաբերելուց հետո ՀՀ ՊՆ մամուլի խոսնակ Արծրուն Հովհաննսիյանը ֆեյսբուքյան իր էջում գրել էր. «ՌՈ աշխատակիցները մեծ օպերատիվ աշխատանքի արդյունքում հայտնաբերեցին զորամասն ինքնակամ լքած զինվորին։ Մոլորյալը գտնվեց։ Փաստորեն, արկածներն ավելի խայտաբղետ էին։ Հանգստանում էր ընկերոջ տանը։ Այլ մանրամասները, երևի, հետո»։
Լիլիթ Շաբոյան
