Տնտեսություն
01.11.2019 | 17:47ԱԺ 2020 թվականի բյուջեի քննարկման ժամանակ «Բարգավաճ Հայաստան» խմբակցության պատգամավոր Միքայել Մելքումյանը հետաքրքրվեց ԵՏՄ միասնական էներգետիկ շուկայի հետ կապված հարցերով։ Վերջինիս նաև մտահոգում էր գազի հնարավոր թանկացման հարցը։
«Գազի հետ կապված բազմիցս է ասվում, որ հունվարի 1-ից չի թանկանալու, ի՞նչը չի թանկանալու՝ գազի սակագի՞նը, թե՞ սահմանի վրա կարող է թանկանալ։ Կարո՞ղ է «Գազպրոմի» գործունեության հետ կապված հարց առաջանալ։ Ամեն ինչ պետք է անել, որ միասնական էներգետիկական շուկան շուտ կայանա»,- նկատեց Մելքումյանը։
Ի պատասխան՝ Էկոնոմիկայի նախարարի տեղակալ Վարոս Սիմոնյանն ընդգծեց, որ գազի գնի հնարավոր թանկացման հետ կապված չի կարող պատասխանել, որովհետև իր իրավասությունից դուրս է։
«Ինչ վերաբերում է միասնական շուկայի ձևավորմանը, այո, 2021 թվականն էր, բայց տեղափոխվել է մինչև 2025 թվականը»,- տեղեկացրեց փոխնախարարը։
Մանրամասները՝ տեսանյութում։
