22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Իմ հորեղբայրն էլ նախագահ լիներ, ես էլ ատրճանակ կպահեի. Հայկ Սարգսյանի գործով վկա. ՏԵՍԱՆՅՈՒԹ
Հասարակություն
01.11.2019 | 16:45
Սերժ Սարգսյանի եղբորորդու` Հայկ Սարգսյանի գործով այսօրվա դատական նիստում հարցաքննվեց գործով վկա Արթուր Ղևոնդյանը: Նա դատարանում մի շարք ուշագրավ հայտարարություններ արեց` ասաց իրեն թելադրել են, ինքը գրել է, թե Դավիթ Սիմոնյանին կրակողը եղել է ինքը և ոչ թե Ալեքսանդր Սարգսյանի որդին` Հայկը:
Վկան նախաքննության փուլում հայտնել էր, որ իրեն անձամբ Ալեսքանդր Սարգսյանն է սպառնացել, որ իր վրա վերցնի գործը, սակայն այսօր նա դա չպնդեց, ինչը հիմք դարձավ, որ դատախազը միջնորդի նախաքննական ցուցմունքը հրապարակեն:
Վկան ասաց, որ տուժող Դավիթ Սիմոնյանի համար Ալեքսանդր Սարգսյանը մեքենա է գնել, լյուքս համարներ է նվիրել, որ իր որդու անունը չտա: «Իրենց ձեռն էր իշխանությունը, ինչ ուզեին՝ կանեին»,- ասաց վկան:
Նա նաև դատարանում հայտնեց, որ Ալեքսանդր Սարգսյանի որդին միշտ ատրճանակով է շրջել, դատախազին հարցին, թե՝ ինչու, պատասխանեց. «Իմ հորեղբայրն էլ նախագահ լիներ, ես էլ ատրճանակ կպահեի»:
Մանրամասները` տեսանյութում:
Լիլիթ Շաբոյան
