07.11.2026 | 23:25
Նիկոլ Փաշինյանը իր կործանարար քաղաքականությամբ միավորեց ամբողջ ընդդիմությանը. Լևոն Զուրաբյան. ՏԵՍԱՆՅՈՒԹ
ՌԴ-ն և Թուրքիան սկսել են համատեղ պարեկությունը Սիրիայի հյուսիսում
Քաղաքականություն
01.11.2019 | 14:05
Ռուսաստանն ու Թուրքիան սկսել են համատեղ պարեկությունը Սիրիայի հյուսիս-արևելքում: ՏԱՍՍ-ի փոխանցմամբ՝ այս մասին հայտնել է ՌԴ Պաշտպանության նախարարությունը, տեղեկությունը հաստատել է նաև թուրքական ռազմական գերատեսչությունը:
«2019 թ. նոյեմբերի 1-ին ժամը 12:15-ին ռուսական ռազմական ոստիկանության և Թուրքիայի սահմանապահ ծառայության առաջին համատեղ պարեկախումբը սկսել է թուրք-սիրիական սահմանին պարեկությունը»,- հաղորդել են ՌԴ ՊՆ-ում:
Պարեկախմբի կազմում ներառված են ռուսական ռազմական ոստիկանության «Վագր», «Թայֆուն» և թուրքական սահմանապահ ծառայության Kirpi զրահապատ մեքենաներ, ընդհանուր առմամբ՝ 9 միավոր ռազմական տեխնիկա: Երթուղին, ընդհանուր առմամբ, ձգվում է ավելի քան 110 կմ:
Ավելի վաղ թուրքական լրատվամիջոցները հայտնել էին, որ Անկարան ծանր տեխնիկա է տեղափոխել Սիրիայի հետ սահման:
Հիշեցնենք, որ հոկտեմբերի 22-ին Ռուսաստանի և Թուրքիայի նախագահները Սոչիում կայացած հանդիպման արդյունքներով Սիրիայի հյուսիս-արևելքում իրադրության կարգավորմանն ուղղված համատեղ գործողությունների հուշագիր էին ստորագրել: Քրդական կազմավորումներին 150 ժամ էր տրվել՝ թուրքական սահմանից այն կողմ 30 կիլոմետրանոց հատվածն ամբողջությամբ ազատելու համար, ինչից հետո ՌԴ-ի և Թուրքիայի զինվորականները պետք է համատեղ պարեկություն սկսեին:
