03.04.2026 | 19:00
Տոմս կա, թռիչք չկա․ ինչպես վերադարձնել չեղարկված հանգստի գումարները. ՏԵՍԱՆՅՈՒԹ
Չավուշօղլուն և Պոմպեոն քննարկել են ԱՄՆ-ում Հայոց ցեղասպանության բանաձևի ընդունման հարցը
Քաղաքականություն
01.11.2019 | 10:46
Հոկտեմբերի 31-ին Թուրքիայի արտգործնախարար Մևլութ Չավուշօղլուն հեռախոսազրույց է ունեցել ԱՄՆ պետքարտուղար Մայք Պոմպեոյի հետ. փոխանցում է ermenihaber-ը:
Թուրքական աղբյուրը, հղում անելով դիվանագիտական աղբյուրներին, հայտնում է, որ Չավուշօղլուն և Պոմպեոն քննարկել են ԱՄՆ Կոնգրեսի Ներկայացուցիչների պալատի ընդունած բանաձևերը և Սիրիայի հարցը:
Ավելի վաղ, Չավուշօղլուն Հայոց ցեղասպանությունը ճանաչող բանաձևի ընունումը «ամոթալի» որոշում էր որակել և պնդել, որ այն ոչ մի նշանակություն չունի Թուրքիայի ժողովրդի և կառավարության համար:
Հիշեցնենք, որ Ներկայացուցիչների պալատը հոկտեմբերի 29-ին ընդունել էր Հայոց ցեղասպանությունը ճանաչող բանաձև և Սիրիայի հյուսիս-արևելքում ռազմագործողություն հետևանքով Թուրքիայի դեմ պատժամիջոցներ կիրառելու օրինագիծ:
