18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Հյուսիսային Կորեան բալիստիկ հրթիռներ է արձակել. Սեուլն արձագանքել է
Քաղաքականություն
31.10.2019 | 17:13
Հյուսիսային Կորեայի կողմից արձակված բալիստիկ հրթիռները շուրջ 370 կմ են անացել, թռիչքի բարձրությունը կազմել է 90 կմ: ՏԱՍՍ-ի փոխանցմամբ՝ այս մասին հայտնել են Կորեայի Հանրապետության (Հարավային Կորեա) ԶՈՒ-ի շտաբների ղեկավարների կոմիտեից:
«Հյուսիսային Կորեայի նման գործողությունները չեն նպաստում Կորեական թերակղզում խաղաղության հաստատմանը, և մենք պահանջում ենք անհապաղ դադարեցնել դրանք»,- ասված է կոմիտեի հայտարարությունում:
Նշվում է, որ ԱՄՆ-ի և Հարավային Կորեայի ներկայացուցիչները շարունակում են պարզել հրթիռների տակտիկա-տեխնիկական բնութագրերը:
Ավելի վաղ Սեուլը հաղորդել էր, որ Հյուսիսային Կորեան երկու հրթիռ է արձակել Ճապոնական ծովի ուղղությամբ:
Ճապոնիայի Պաշտպանության նախարարությունում էլ հայտարարել են, որ Հյուսիսային Կորեան փոքր հեռահարության հրթիռներ է արձակել: Ճապոնական ափամերձ պահպանության ծառայության տվյալներով՝ դրանք չեն հասել ճապոնիայի տարածքին կամ երկրի բացառիկ տնտեսական գոտուն:
Հոկտեմբերի 2-ին էլ Հյուսիսային Կորեան հայտնել էր «Բևեռային աստղ 3» տիպի սուզանավերի բալիստիկ հրթիռի փորձարկման մասին: Այն 450 կմ է անցել և հասել 910 կմ բարձրության: Փհենյանում, միաժամանակ, նշել են, որ այն կարող էր ավելի մեծ տարածություն անցնել, եթե արձակվեր օպտիմալ անկյամբ:
