02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Պակիստանում 73 մարդ է զոհվել գնացքում բռնկված հրդեհի հետևանքով
Քաղաքականություն
31.10.2019 | 16:43
Պակիստանի հարավ-արևմուտքում երթուղային վթարի հետևանքով առնվազն 73 մարդ է մահացել, տասնյակ վիրավորներ կան: Այս մասին գրում է BBC-ի ռուսական ծառայությունը։
Իշխանությունները ենթադրում են, որ զոհերի թիվը կավելանա, քանի որ բազմաթիվ տուժածներ ծայրահեղ ծանր վիճակում են:
Կարաչիից Լահոր ուղևորվող գնացքում ողբերգությունը տեղի է ունեցել գազի բալոնի պայթյունի հետևանքով: Ուղևորները որոշել են գազօջախի վրա նախաճաշ պատրաստել, սակայն գազի բալոնը պայթել է:
Գնացքի առնվազն երեք վագոններում հրդեհ է բռնկվել, շուրջ 40 մարդ ողջ-ողջ այրվել է: Մյուսները զոհվել են, երբ կրակից փրկվելու համար դուրս են նետվել մեծ արագությամբ ընթացող գնացքի վագոններից:
Աղետի վայր ժամանած հրշեջներին հաջողվել է մարել կրակը: Նշվում է, որ դեպքը տեղի է ունեցել Ռահիմ Յար Խան քաղաքում:
