30.04.2026 | 12:41
Կարս-Գյումրի երկաթուղին կամրապնդի տարածաշրջանային կապը, օգուտներ կբերի ամբողջ Հարավային Կովկասին. ԵՄ
Պենտագոնն ԻՊ-ի առաջնորդին ոչնչացնելու գործողության տեսանյութն է հրապարակել
Քաղաքականություն
31.10.2019 | 15:28
Ամերիկյան Պենտագոնը «Իսլամական պետություն» ահաբեկչական խմբավորման առաջնորդ Աբու Բաքր ալ-Բաղդադիի ոչնչացման գործողության առաջին տեսանյութն է հրապարակել: ՌԻԱ Նովոստիի փոխանցմամբ՝ կարճ տեսանյութում այն շենքն է, որտեղ, ԱՄՆ-ի պնդմամբ, գտնվել է ահաբեկիչը:
«Այստեղ տեսնում ենք օբյեկտը, <…> որտեղ թաքնվում էր ալ-Բաղդադին: Այս մեկուսացված օբյոկտը գտնվում էր Սիրիայի հյուսիս-արևմտյան Իդլիբ նահանգում»,- լրագրողներին ասել է ԱՄՆ ԶՈՒ-ի Կենտրոնական հրամանատարության ղեկավար, գեներալ Քենեթ Մաքքենզին:
Նրա խոսքով՝ ԴՆԹ-ի անալիզը բացարձակ ճշտությամբ հաստատել է ալ-Բաղդադիի ոչնչացման փաստը: Գեներալը նաև հստակեցրել է, որ ԻՊ-ի առաջնորդը պայթեցրել է իրեն և երկու երեխաների, այլ ոչ թե երեք, ինչպես ավելի վաղ հայտնել էր նախագահ Դոնալդ Թրամփը:
Աբու Բաքր ալ-Բաղդադին (իրական անունը՝ Իբրահիմ Ավադ Իբրահիմ ալ-Բադրի) որպես ահաբեկիչների ղեկավար հայտնի է 2014 թվականից, երբ ԻՊ-ի կողմից գրավված Մոսուլի մզկիթից հռչակեց Մերձավոր Արևելքում «իսլամական խալիֆայության» ստեղծումը:
Այդ ժամանակից ի վեր լրատվամիջոցները բազմիցս են հայտնել նրա ոչնչացման մասին, սակայն տեղեկությունը չի հաստատվել:
ԱՄՆ նախագահ Դոնալդ Թրամփն ալ-Բաղդադիին ոչնչացնելու մասին հայտնել էր հոկտեմբերի 27-ին: Նրա խոսքով՝ ահաբեկիչը պայթեցրել է մահապարտի գոտին, սակայն հաջողվել է արագորեն նույնականացնել նրան:
