09.12.2025 | 18:26
Դրոշմավորման QR կոդերի արժեքը կնվազի․ նոր գինը կկիրառվի հունվարի 1-ից
Պետք է մասնավոր մուլտիպլեքս ունենանք. Տիգրան Հակոբյանը՝ առաջիկայում եթերազրկվող ՀԸ-ների տեղեկության մասին. ՏԵՍԱՆՅՈՒԹ
Տնտեսություն
31.10.2019 | 14:59
Դուք խոսում եք մի առաջարկի մասին, որը որպես օրենքի նախագիծ չի շրջանառվում Ազգային ժողովում։ Ընդամենը մտադրություններ են, առաջարկներ են, որոնք պետք է մեր պառլամենտի կողմից օրենքի տեքստ ստանան, ուստի՝ նախագծի բովանդակությանը չեմ անդրադառնա։ Այս մասին Ազգային ժողովում լրագրողների հետ զրույցի ժամանակ ասաց ՀՌՀ նախագահ Տիգրան Հակոբյանն՝ անդրադառնալով առաջիկայում եթերազրկվող ՀԸ-ների տեղեկության մասին լուրերին։
Հակոբյանը ներկայացրեց, թե իրենց կարծիքով ինչ է անհրաժեշտ անել, որպեսզի իսկապես ապահովվի լրատվամիջոցների բազմազանությունը, և ՀՀ-ում որևէ լրատվամիջոց չմնա առանց հեռարձակման հարթակի։
«Առաջին՝ բացի Հանրային թվային մուլտիպլեքսից՝ պետական միակ գործող, Հայաստանում, ըստ օրենքի, պետք է գործի նաև մասնավոր մուլտիպլեքսը։ Սակայն, ցավոք, ներկա օրենքում այնպիսի պայմաններ են դրված այդ մուլտիպլեքսը կառուցելու համար, որը շահավետ չէ ներդրողների համար։ Այսինքն՝ պետք է ավելի հստակ, ավելի մեղմ պահանջներ սահմանել և՛ պետական տուրքի առումով, և՛ Հայաստանի ծածկման առումով, որպեսզի այս ոլորտ մասնավոր ներդրողներ գան։ Կարծում եմ, որ այսօր արդեն մշակվող օրենքով այդ հնարավորությունը կտրվի, որպեսզի Հայաստանում գործի ևս մեկ մուլտիպլեքս»,- նշեց ՀՌՀ նախագահը։
Մանրամասները տեսանյութում։
