27.04.2026 | 18:48
Տիկին Հակոբյանը ծանր է տանում դատական հայցի ներկայացումն իր դեմ. հետ չենք վերցնելու. Իոաննիսյան
Թրամփը չմիջամտեց բանաձևի ընդունմանը, նշանակում է՝ քաղաքական համաձայնությունը կայացվել է. Էդիկ Մինասյանը՝ ԱՄՆ Ներկայացուցիչների պալատի բանաձևի մասին. ՏԵՍԱՆՅՈՒԹ
Քաղաքականություն
31.10.2019 | 13:27
Ողջունելի է ԱՄՆ Կոնգրեսի ներկայացուցիչների պալատի կողմից Հայոց ցեղասպանության ճանաչման մասին բանաձևի համատեղ ընդունում, իսկապես աննախադեպ քվեարկություն էր: Լրագրողների հետ հանդիպմանն այս մասին ասաց պատմաբան Էդիկ Մինասյանը:
«Աննախադեպ էր այն իմաստով, որ և՛ դեմոկրատները, և՛ հանրապետականները միասնական քվեարկեցին Հայոց ցեղասպանության ճանաչման օգտին: Իհարկե՝ քաղաքական որոշակի շարժառիթներ կային, բայց նշանակությունը բավական մեծ է: Եվ կարևորում եմ, որովհետև շղթայական ռեակցիայի նման այս ճանաչումը կշարունակվի նաև մյուս երկրների կողմից»,- ասաց պատմաբանը:
Էդիկ Մինասյանը հիշեցրեց, որ ԱՄՆ Ներկայացուցիչների պալատը մի քանի պաշտոնապես նման որոշում ընդունել է, բայց, ի տարբերություն նախորդների, այս անգամ այն գերակշիռ ձայներով է ընդունվել: Միաժամանակ, եղել են դեպքեր, երբ հարցը Ներկայացուցիչների պալատում չի քննարկվել՝ ԱՄՆ նախագահների միջամտության արդյունքում:
«Այսօր Թրամփը չմիջամտեց այդ գործին: Դա նշանակում է, որ նախնական համաձայնություն է եղել կողմերի միջև, քաղաքական համաձայնությունն արդեն կայացվել է, և նույնիսկ հանրապետականները, որոնք միշտ դեմ էին քվեարկում, այս անգամ դեմոկրատների հետ համաձայնությամբ քվեարկեցին»,- հավելեց բանախոսը:
Մանրամասները՝ տեսանյութում:
