05.06.2026 | 18:47
«Մարտի 1»-ի գործով մեղադրանք՝ ԱԱԾ նախկին տնօրեն Գորիկ Հակոբյանին և ևս 4 նախկին աշխատակցի
Դատավորների աշխատավարձի բարձրացման անհրաժեշտություն եմ տեսնում. Կարեն Փոլադյան (ՏԵՍԱՆՅՈՒԹ)
Հասարակություն
30.10.2019 | 13:23
Դատավորների աշխատավարձի բարձրացման անհրաժեշտություն ենք տեսնում։ Այսօր ԱԺ-ում լրագրողների հետ զրույցի ժամանակ նման հայտարարություն արեց Դատական դեպարտամենտի ղեկավար Կարեն Փոլադյանը։
Նրա կարծիքով՝ այն ծավալը, որն առաջադրվել է դատավորներին ու այն որակը, որը պահանջվում է, ենթադրում է բարձր աշխատավարձեր։
«Այն որակը, որը պարտադրվել է, պարտադրվում է ու պարտադրվելու է, ենթադրում է բարձր աշխատավարձ»,- ասաց նա։
Ինչ վերաբերում է ՀՔԾ-ում ՍԴ նախագահ Հրայր Թովմասյանին առնչվող քրեական գործերին, Փոլադյանը նշեց, որ իր իրավասության շրջանակում չէ այս հարցին պատասխանելը։ Ըստ Փոլադյանի՝ այդ գործերին նա ծանոթանում է մամուլով։
Հարցին՝ հիմա ՀՀ-ում դռների մոտ վնգստացող ու տեր փնտրող դատավորներ կա՞ն, թե՝ ոչ, պատասխանեց՝ հիշեցնելով, որ այս հարցին ԲԴԽ նախագահն արդեն իսկ պատասխանել է։
«Տարածվել է նաև հայտարարություն, խնդրում եմ, որ ծանոթանաք հայտարարությանը»,- եզրափակեց Կարեն Փոլադյանը։
Մանրամասները՝ տեսանյութում։
