17.11.2024 | 15:32
Աղվանի-Տաթև ավտոճանապարհին բեռնատարները մերկասառույցի պատճառով չեն կարողացել շարունակել ընթացքը
Համաներման համար անձի համաձայնությունն է պետք, Արսեն Բաբայանը նման ցանկություն չի հայտնել. ՀՔԾ պետ (ՏԵՍԱՆՅՈՒԹ)
Հասարակություն
30.10.2019 | 12:52
Արսեն Բաբայանի գործը քննող քննիչը եկել է այն եզրահանգմանը, որ Արսեն Բաբայանի պատշաճ վարքագիծը կարող է ապահովվել միայն կալանավորմամբ: Այս մասին լրագրողների հետ զրույցում ասաց ՀՔԾ պետ Սասուն Խաչատրյանն՝ անդրադառնալով հարցին, թե ինչո՞ւ է ամեն մի գործով խափանման միջոց ընտրվում կալանքը:
«Այդ նույն նկատառումներով արգելանք է դրվել նաև նրա տեսակցությունների վրա: Ամեն գործ յուրահատուկ է, եթե մի դեպքում կալանք է կիրառվում, չի նշանակում, որ մյուս դեպքում էլ է կիրառվելու»,- նշեց նա:
Հարցին՝ ինչո՞ւ է մի պատգամավորին թույլատրվում Նաիրի Հունանյանին հանդիպել, իսկ մյուսներին չեն թողնում Արսեն Բաբայանին տեսակցել, Սասուն Խաչատրյանն ասաց, որ չպետք է պատիժը կրող անձին նույնացնել նախաքննության ընթացքում կարգավիճակ ունեցող անձանց հետ:
Անդրադառնալով այն տեսակետներին, որ Արսեն Բաբայանին առաջադրված մեղադրանքն ընկնում է համաներման տակ, Սասուն Խաչատրյանը պարզաբանեց. «Համաներման համար մի շարք նախապայմաններ են պետք, դրանից ամենակարևորն անձի համաձայնությունն է, որի նկատմամբ ոչ արդարացնող հիմքով քրեական հետապնդում չիրականացվի, տվյալ դեպքում Արսեն Բաբայանը նման ցանկություն չի հայտնել»:
Մանրամասները՝ տեսանյութում:
Նարեկ Կիրակոսյան
