13.01.2026 | 19:11
Իրանի պաշտոնյաների հետ հանդիպումները չեղարկել եմ, օգնությունը ճանապարհին է. Թրամփը դիմել է իրանցիներին
Բանաձևը հզոր քայլ է պատմական արդարության ու ճշմարտության ուղղությամբ. Փաշինյանը՝ ԱՄՆ Կոնգրեսի Ներկայացուցիչների պալատի քվեարկության մասին
Քաղաքականություն
30.10.2019 | 10:24
ՀՀ վարչապետ Նիկոլ Փաշինյանը ողջունել է Հայոց ցեղասպանության ճանաչման վերաբերյալ ԱՄՆ Կոնգրեսի Ներկայացուցիչների պալատի կողմից համապատասխան բանաձևի ընդունումը։ Այս մասին տեղեկանում ենք վարչապետի աշխատակազմի մամուլի ծառայությունից:
«Ողջունում եմ Հայոց ցեղասպանության ճանաչման վերաբերյալ ԱՄՆ Կոնգրեսի Ներկայացուցիչների պալատի պատմական քվեարկությունը։ Բանաձևը հզոր քայլ է պատմական արդարության ու ճշմարտության ուղղությամբ, որը նաև մխիթարանք է հաղորդում Հայոց ցեղասպանությունից փրկվածների ժառանգներին։
Ընդունեք իմ սրտանց շնորհավորանքներն ու հիացմունքն ուղղված ամերիկահայերի սերունդներին, ում անձնազոհ քաղաքական և հասարակական գործունեությունն ու հաստատակամությունն էին այս պատմական քվեարկության շարժիչ ուժը և ոգևորությունը։ Այլևս երբեք»,- նշել է Նիկոլ Փաշինյանը։
