07.09.2026 | 22:10
Հայտնի է՝ ով կքննի Գարեգին Բ-ի գործը․ Վճռաբեկը հրապարակել է որոշումը. ՏԵՍԱՆՅՈՒԹ
Հայաստանում քաղբանտարկյալներ չկան. Սուրեն Պապիկյանը՝ Արսեն Բաբայանի մասին. ՏԵՍԱՆՅՈՒԹ
Քաղաքականություն
29.10.2019 | 15:06
Աշխարհում ամեն ինչ հնարավոր է, բայց կրկնում եմ՝ այդ պաշտոնին չեմ հավակնում: Այս մասին ԱԺ-ում լրագրողների հե զրույցում ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը՝ անդրադառնալով մամուլում շրջանառվող տեղեկությունները, որ առաջիկայում կարող է ԱԱԾ տնօրեն նշանակվել։
«Տվյալ պահին այն տեղում եմ, որտեղ կարող եմ անել ավելին։ Իմ լիազորությունները փորձում եմ կատարել պատշաճ՝ ի նպաստ Հայաստանի Հանրապետության», – շեշտեց Սուրեն Պապիկյանը:
Խոսելով ԱԺ նախկին նախագահ Արա Բաբլոյանի ու ԱԺ աշխատակազմի ղեկավարի նախկին տեղակալ Արսեն Բաբայանի դեմ հարուցված քրեական գործերի մասին՝ նա ասաց. «Ես դրան քաղաքական գնահատական չեմ տա, քանի որ դրանք քաղաքական չեն, դա բացառապես իրավական հարթությունում է»:
Հարցին՝ ՀՀ-ում քաղբանտարկյալներ կա՞ն, նա կարճ պատասխանեց․ «Ոչ»։ Դիտարկմանը, որ իրավապաշտպաններ կան, որոնց կարծիքով՝ Արսեն Բաբայանը քաղբանտարկյալ է, Պապիկյանը նշեց, որ չի կիսում այդ տեսակետը։
Մանրամասները՝ տեսանյութում:
Նարեկ Կիրակոսյան
