25.06.2026 | 19:08
Դավիթ Համբարձումյանի գործը ուղարկվեց նոր քննության․ նա ազատ արձակվեց դատական նիստերի դահլիճից․ ՏԵՍԱՆՅՈՒԹ
Չեմ կարող պատասխանել. Էրիկ Գրիգորյանը՝ Ամուլսարի ճանապարհը բացելու մասին. ՏԵՍԱՆՅՈՒԹ
Հասարակություն
29.10.2019 | 14:10
Ամուլսարի հարցի հետ կապված ընդամենը կես ժամ առաջ ամբողջ բացատրությունը տվեցի, Ամուլսարի կողմից ներկայացված են գործողություններ, ծրագիր և ազդեցություններ, որտեղ պետական մարմինները, ակադեմիայի ինստիտուտները և «Էլարդ»-ը որոշակի անհամապատասխանություններ են տեսել։ Այս մասին ԱԺ-ում լրագրողների հետ զրույցում ասաց շրջակա միջավայրի նախարար Էրիկ Գրիգորյանը՝ անդրադառնալով Ամուլսարի շահագործման հետ կապված հարցին։
«Գործընթացները Քննչականն իրականացնում է, Տեսչականը ներգրավված է, եթե կպարզվի, որ ներկայացված որոշակի տվյալներ կամ որևէ գործընթացներ, որոնք որ մեր օրենքին հակասում են, դա ունի հետևանք։ Եթե կպարզվի, որ ոչ, դա նույնպես ունի հետևանք։ Ինչ վերաբերում է աշխատել-չաշխատելուն, ճանապարհների հետ կապված ես մի անգամ արդեն նշել եմ, որ ճանապարհների փակ լինելը մեզ ավելի խոցելի է դարձնում այդ գործընթացներն իրականացնելու համար»,- նկատեց նախարարը։
Հարցին՝ ճանապարհները փակ են, իրավապահների կողմից բիրտ ուժ կկիրառվի՞, պատասխանեց, որ բազմիցս նշվել է, որ ուժ կիրառելու հետ կապված որևէ, այսպես ասած, զարգացումներ չի ակնկալվում։
«Բայց ինչպես և նշեցի՝ ճանապարհների փակ լինելը մեր այն գործընթացները, որոնք այս պահին մենք իրականացնում ենք, ուսումնասիրելով այդ ազդեցությունները, ներկայացված փաստաթղթերը, մեզ խոցելի է դարձնում»,- նկատեց Գրիգորյանը։
Մանրամասները՝ տեսանյութում։
