10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Իսկական, հայկական, պինդ ընտանիքի հիմքը բռնությունը չէ. Դավիթ Հարությունյան
Տեսանյութեր
05.10.2017 | 13:13
Ընտանեկան բռնությունների կանխարգելման մասին օրենքի վերաբերյալ օրերս կկազմակերպվի հանրային լայն քննարկում: Այս մասին այսօր կառավարության նիստից հետո լրագրողների հետ զրույցում ասաց արդարադատության նախարար Դավիթ Հարությունյանը:
«Արդեն երևում է, որ հանրային շատ մեծ հետաքրքրություն կա: Ճանապարհը, որ մենք բռնել ենք, համարում եմ խիստ կարևոր: Աշխարհի 120 երկիր անցել է այդ ճանապարհը, բայց այնուամենայնիվ, հաշվի առնելով, որ հաճախ լինում են այդ դրույթների տարօրինակ մեկնաբանություններ, որոնք բացարձակ աղերսներ չունեն օրենքի հետ, մենք երկուշաբթի օրը՝ ժամը չորսին, Մատենադարանում հանրային քննարկում ենք կազմակերպելու»,- տեղեկացրեց Դավիթ Հարությունյանը:
Նախարարը բոլոր շահագրգիռ անձանց կոչ արեց ներկա գտնվել քննարկմանը կամ մեկնաբանությունները թողնել e-draft.am կայքում:
Factor.am-ը նախարարից հետաքրքրվեց՝ օրենքի նախագիծը երբ կներկայացվի Ազգային ժողով, Հարությունյանը տեղեկացեց, որ քննարկումից և կառավարությանը ներկայացնելուց հետո այն քննարկման կդրվի Ազգային ժողովում: Դավիթ Հարությունյանի խոսքով՝ ընտանեկան բռնությունների վերաբերյալ վիճակագրությունը անհանգստացնող է: Բացի այդ, նախարարն ընդգծեց՝ կան բազում թաքնված դեպքեր, որոնք ևս մտահոգիչ են:
Մանրամասները՝ տեսանյութում:
Շողիկ Գալստյան
